Հայաստանի ծանրամարտի ֆեդերացիայի նախագահ Սամվել խաչատրյանն այսօր լրագրողների հետ հանդիպմանն ասել է, որ ֆեդերացիայի նախագահն ընտրված անձ է, այդ պատճառով էլ հրաժարական չի տա: Նրա խոսքով, սեպտեմբերին ֆեդերացիայի անդամների, ինչպես նաև Հայաստանի Օլիմպիական կոմիտեի նախագահ Գագիկ Ծառուկյանի մասնակցությամբ տեղի կունենա նիստ, որտեղ եթե պահանջեն, ապա ինքը հրաժարական կտա:
«Ես հրաժարական կտամ միայն այն դեպքում, երբ բոլոր տանուլ տված մարզիկները և նրանց մարզիչները ՀԱՕԿ նախագահի ներկայությամբ ասեն, թե որն է եղել իմ` ֆեդերացիայիս նախագահի մեղքը, որ մեր մարզիկները տանուլ տվեցին օլիմպական խաղերը»,- ասաց նա։
Նա ավելացրել է նաեւ, որ ինքը 6 տարի շարունակ բազմաթիվ մեդալներ է բերել Հայաստան:
