Քիչ առաջ ավարտվեց Լոնդոնի օլիմպիադայի հունահռոմեական ըմբշամարտի 74 կգ քաշային կարգի եզրափակիչը հայաստանցի Արսեն Ջուլֆալակյանի եւ ռուսաստանցի Ռոման Վլասովի միջեւ:
Ցավոք սրտի Արսեն Ջուլֆալակյանը չկարողացավ հաղթել եզրափակիչում: Ռոման Վլասովը կարողացավ մեկ հնարք կատարել եւ հետո հաջող պաշտպանվել եւ հաղթել այդ մեկ միավորով:
Արսեն Ջուլֆալակյանը փաստորեն նվաճեց Հայաստանի հավաքականի երկրորդ մեդալը: Առաջին մեդալը Հայաստանի հավաքականի համար նվաճեց ծանրամարտիկ Հռիփսիմե Խուրշուդյանը, ով հարթակ էր դուրս եկել մի քանի ժամ առաջ:
Նա դարձավ բրոնզե մեդալակիր:
Օգոստոսի 5-ն այդ առումով Հայաստանի հավաքականի համար արդյունավետ օր էր, հատկապես օլիմպիադայի անարդյունավետ մեկնարկից հետո: Օգոստոսի 5-ին Հայաստանը նվաճեց միանգամից երկու մեդալ՝ բրոնզ եւ արծաթ:
Օգոստոսի 6-ին հայաստանցի մարզիկներից ելույթ կունենա հունահռոմեական ըմբիշ Յուրի Պատրիկեեւը:
