Բելգիայի հետ ընկերական խաղի ժամանակ Անգլիայի հավաքականի կենտրոնական պաշտպան Գարի Կեհիլը բախվեց դարպասապահ Ջո Հարտի հետ և վնասվածք ստացավ:
Այսօր պարզ է դարձել, որ Կեհիլը բաց է թողնելու Եվրոպայի առաջնությունը: Հիշեցնենք, որ Եվրոն բաց են թողնելու նաև կենտրոնական կիսապաշտպաններ Գարեթ Բարին և Ֆրենկ Լեմպարդը:
Հավաքականի մարզիչ Ռոյ Հոջսոնը հերթական անհասկանալի որոշումն է կայացրել: Նա Կեհիլի փոխարեն հավաքական է կանչել Լիվերպուլի աջ պաշտպան Մարտին Կելիին, ով անցած մրցաշրջանում բավականին քիչ խաղերի է մասնակցել:
Հիշեցնենք, որ Հոջսոնը հավաքական չի կանչել Ռիո Ֆերդինանդին, Մայքլ Կերիկին, Միկա Ռիչարդսին, Կայլ Ուոկերին, ինչը շատ քննադատությունների տեղիք է տվել:
