Նիգերացի հանրահայտ ֆուտբոլիստ եւ հավաքականի պատմության լավագույն ռմբարկու Ռաշիդի Յեկինին, ով վերջին տարիներին տառապում էր նյարդային հիվանդություններից, մահացել է 48 տարեկան հասակում, գրում է completesportsnigeria.com-ը: Ֆուտբոլիստը մահացել է Իբադան քաղաքի հիվանդանոցում:
Յեկինին Նիգերիայի հավաքականի կազմում անցկացրած 70 խաղերում խփել է 37 գնդակ: Հարձակվողը մասնակցել է 1994 եւ 1998թթ ֆուտբոլի աշխարհի առաջնություններին: Նա մեկ անգամ հաղթել է Աֆրիկայի ազգերի գավաթը, երկու անգամ դարձել է մրցաշարի լավագույն ռմբարկու, իսկ 1993թ ճանաչվել է Աֆրիկայի լավագույն ֆուտբոլիստ:
