2012 թվականի հուլիսի 27-ին Լոնդոնի Հայդ պարկում Օլիմպիական խաղերը բացելու է Duran Duran խումբը: Այս մասին հայտնում է The Daily Telegraph-ը: Համերգը կազմված է չորս խմբերի ելույթներից:
Duran Duran-ը ներկայացնում է Անգլիան, Շոտլանդիայից ելույթ է ունենալու երգիչ Փաոլո Նիտինին, Ուլեսից Stereophonics խումբը, իսկ Հյուսիսային Իռլանդիայից` Snow Patrol-ը: Երգիչների ելույթներին զուգահեռ ցուցադրվելու է Լոնդոնում «Օլիմիական խաղերի» միացումը:
Duran Duran-ի առաջատար Սիմոն Լե Բոնը հայտարարել է, որ իր խմբի համար Խաղերի բացման ժամանակ ելույթը վերջին տասնամյակում ամենանշանակալի իրադարձությունն է լինելու:
Համերգի տոմսերը վաճառքի են հանվելու մայիսի 4-ին: Տոմսերի գինը 60 ֆունտ է: Սպասվում է, որ համերգին ներկա է գտնվելու 80 հազար մարդ:
Հայդ պարկում տեղի է ունենալու նաև մեկ այլ համերգ` նվիրված Խաղերի փակմանը: Օգոստոսի 12-ին ելույթ կունենան Blur-ը, New Order-ը և The Specials-ը:
