Հայաստանի հավաքականի առաջատարներից Ալլան Հեսսի մասնակցությունը Բոսնիա և Հերցեգովինայի դեմ խաղում հարցականի տակ է

  • Սպորտ - 09 Օգոստոսի 2017, 18:24
Բասկետբոլի 2019 թ. աշխարհի առաջնության ընտրական փուլի շրջանակներում  Հայաստանի ազգային հավաքականն այսօր կմրցի Բոսնիա եւ Հերցեգովինայի ընտրանու հետ: Այս մասին հայտնում է ՀԱՕԿ կայքը: 

Առավոտյան՝ պաշտոնական հանդիպումից առաջ, մեր հավաքականը Սարաեւոյում անցկացրել է վերջին մարզումը: Մարզմանը ոչ լիարժեք է մասնակցել մեր թիմի առաջատար խաղացողներից՝ Ալլան Հեսսը: Նա ոտքի վնասվածքի պատճառով գտնվում է բժշկի հսկողության ներքո: Առայժմ հայտնի չէ՝ արդյոք նա կկարողանա մասնակցել հանդիպմանը թե ոչ:

Հանդիպումը կմեկնարկի Երևանի ժամանակով 22:00-ին և կցուցադրվի «Կենտրոն» հեռուստաընկերության ուղիղ եթերում:

Ամենաընթերցվածը