Կարլսեն-Կարյակին 9-րդ պարտիան ավարտվել է ոչ-ոքի

  • Սպորտ - 24 Նոյեմբերի 2016, 12:04

Շախմատի աշխարհի չեմպիոնի համար մրցախաղի 9-րդ պարտիան ավարտվեց խաղաղ արդյունքով: «Արմենպրես»-ի հաղորդմամբ՝ 8-րդ տուրից հետո կրած պարտությունից հետո այս տուրում աշխարհի գործող չեմպիոն Մագնուս Կարլսենը հանդես էր գալիս սև խաղաքարերով: Պարտիայի 74-րդ քայլին կողմերը համաձայնեցին կիսել միավորները:

Այս տուրից հետո Կարյակինն ունի 5, իսկ Կարլսենը 4 միավոր:

Եթե կողմերից մեկը մինչև 12-րդ պարտիան իր ակտիվում գրանցի 6.5 միավոր, ապա մրցախաղը կավարտվի ժամանակից շուտ` նրա հաղթանակով: Եթե 12 խաղից հետո մրցախաղն ավարտվի հավասար հաշվով, ապա մրցակիցները կխաղան 4 արագ պարտիաներ, որոնց ժամակարգը կլինի 25 րոպե մինչև պարտիայի ավարտը, յուրաքանչյուր քայլին 10 վայրկյան հավելումով, սկսած առաջին քայլից: