ԵՐԵՎԱՆ, 10 ՕԳՈՍՏՈՍԻ, «ՓԱՍՏԻՆՖՈ»: «Հայաստանում հիմնականում ամուսնալուծվում են 20 և ավելի տարի միասին ապրած զույգերը: Երկրորդ տեղում 1-4 տարի համատեղ կյանք ունեցողներինն է»,- այսօր հրավիրած ասուլիսում նշեց իրավաբան Մարիաննա Եղիազարյանը: Ըստ նրա՝ 2010-ին գրանցված 17988 ամուսնությունից 2997-ը ամուսնալուծվել են, իսկ 2011-ին 19706 ամուսնությունից 3188-ն է ավարտվել ամուսնալուծությամբ:
Բոլոր կանանց, ովքեր ուզում են ամուսնալուծվել և չունեն օրինական գրանցված ամուսնություն, իրավաբանը խորհուրդ է տալիս մտածել` արդյոք կկարողանա՞ն նրանք երեխային ֆինանսապես ապահովել, թե ոչ:
«Հարևան պետություններում պետության դիրքորոշումը միայնակ կնոջ և երեխայի նկատմամբ նպաստների, ալիմենտի բռնագանձման չափի առումով բավականին լավ է: Այնտեղ, Հայաստանի համեմատ, կինն ապահով է և կարող է գնալ այդ քայլին: Հայաստանում կինը չի կարող իրեն թույլ տալ այդ շքեղությունը»,- նշեց իրավաբանը: Ըստ նրա` մեզանում կանայք ամուսնալուծվում են, հետո դիմում իրավաբանին` հարցնելով ինչ իրավունքներ ունեն ինքն ու իր երեխան: Մինչդեռ իրականում նրանք երկուսն էլ ոչ մի իրավունք չունեն:
«Նյութական ծանր վիճակի համար Հայաստանում ոչ ոք այսօր չի ամուսնալուծվում, կինը ոչ թե ուզում է ամուսնալուծվել, քանի որ իր ամուսինը գումար չունի, այլ որ չվաստակող ամուսինը թույլ չի տալիս գոնե ինքը` կինը վաստակի»,- նշեց մյուս բանախոսը:
Հայ ընտանիքի փրկության համար հոգեբանի խոսքով` սկսում են հաճախ կրկին ժամադրել ամուսնացած զույգին: Ինչ վերաբերում է հոգեբանական ծառայությունների գնացանկին, ապա Հայաստանում մեկ ժամվա հոգեբանական ծառայության միջին արժեքը կազմում է 5000 դրամ: «Ընտանեկան թերապևտիկ աշխատանքներում, երբ հոգեբանական ծառայության համար դիմում են ընտանիքից երեք հոգի` կինը, ամուսինը, երեխան, մենք աշխատում ենք հաշվի առնել ընտանեկան բյուջեն: Որքան է վաստակում ընտանիքը, որքան կարող է ամսական հատկացնել հոգեբանին: Մնացածը թողնում ենք քաղաքացու խղճին»,- նշեց հոգեբանը:
«Սուքիասյան» բարեգործական հիմնադրամը սահմանել է Ալբերտ Սուքիասյանի անվան կրթաթոշակ ՀՊՃՀ ուսանողների համար
Արքայազն Չարլզը կգա Երեւան
Ինչու Օբաման չի օգտագործում ցեղասպանություն բառը
Դա պատիվ չի բերում անգամ Հայաստանի ԱԺ-ին
Սամվել Կարապետյանը՝ Ազգային գրադարանից թալանված արժեքների մասին
ԱՄՆ-ում ավտոմոբիլային կամուրջ է փլուզվել, մարդիկ ու մեքենաներն ընկել են ջուրը
Մուլտիկուլտուրիզմի վախճանը Եվրոպայում
