Իսպանիայի Կատալոնիայի մարզում կրթական հաստատությունները քննարկում են դասերի ժամանակ պլանշետային համակարգիչներ օգտագործելու հարցը: Ներկայում արդեն բազմաթիվ դպրոցներ որոշել են, որ ուսուցման գործընթացում անհրաժեշտ է նոր տեխնոլոգիաներ օգտագործել:
La Vanguardia-ն գրում է, որ բազմաթիվ դպրոցներ իրենց համար ընտրել են Apple ընկերության արտադրանքը: Ընդհանուր առմամբ, 480 երեխաներ սեպտեմբերին դասագրքերը կփոխարինեն iPad-ով: Սակայն նախքան պլանշետային ուսուցմանն անցնելը անհրաժեշտ է վերանայել դասացուցակները եւ նոր ծրագրեր մշակել:
