ԵՐԵՎԱՆ, 10 ՀՈւԼԻՍԻ, «ՓԱՍՏԻՆՖՈ»: Կառավարության հուլիսի 12-ի նիստի օրակարգում ընդգրկված է ՀՀ ընտանեկան օրենuգրքում փոփոխություն կատարելու մասին օրինագիծը:
Նախագծով առաջարկվում է վերացնել ամուսնություն կնքելու համար կանանց և տղամարդկանց համար գործող օրենսդրությամբ սահմանված տարիքային տարբերությունը:
Մասնավորապես, առաջարկվում է գործող օրենսգրքում ամրագրել, որ ամուuնության կնքման համար անհրաժեշտ են ամուuնացող տղամարդու և կնոջ փոխադարձ կամավոր համաձայնությունը և նրանց ամուuնական` տասնութ տարեկան տարիքի հասնելը:
Գործող Ընտանեկան օրենսգրքով ամուսնություն կնքելու համար կանանց համար տարիքային շեմ է սահմանված 17, իսկ տղամարդկանց համար` 18 տարեկան տարիքի հասնելը:
Նախագծով նախատեսվում է նաև, որ այս փոփոխությունը չի տարածվելու այն ամուսնությունների վրա, որոնց պետական գրանցման համար ներկայացված դիմումները քաղաքացիական կացության ակտերի գրանցման մարմիններն ստացել են մինչև փոփոխության ուժի մեջ մտնելը:
Հեղինակների հիմնավորմամբ՝ կանանց և տղամարդկանց ամուսնության տարիքի ներքին շեմի հավասարեցմամբ կարգավորվում է գենդերային (սեռային) հավասարության խնդիրը:
Մայիսի 26-ին տեղի կունենա հազվագյուտ երկնային երևույթ` մոլորակների եռակի միացում
Անգլիայում վագրը հոշոտել է գազանանոցի աշխատակցուհուն
Dorians-ը շնորհակալություն կհայտնի երկրպագուներին` Կասկադում բացօթյա համերգով
Երևանցի գիտնականը դարձել է Աստանայի «Նոբելյան մրցանակակիր»
«Սուքիասյան» բարեգործական հիմնադրամը սահմանել է Ալբերտ Սուքիասյանի անվան կրթաթոշակ ՀՊՃՀ ուսանողների համար
