Ավստրալական դինգո շունը մեղավոր է ճանաչվել երեխայի մահվան մեջ

Ավտրալիայում հունիսի 12-ին փակվել է 1980 թվականին կորած նորածնի գործը: Այս մասին հայտնում է BBC-ին: Հետաքննությունը վճռել է, որ Ազարի Չեմբերլենի մահվան մեջ մեղավոր է վայրի շունը` դինգոն, գրում է BBC-ն:

Քննիչ Էլիզաբեթ Մորիսի վարույթում գտնվող գործում ասվում է, որ 1980 թվականի օգոստոսի 16-ին Չեմբերլենի ընտանիքը վրան էր խփել Այրես Ռոք ճամբարում: Հաջորդ օրը մայրը` Լինդի Չեմբերլեն-Քրեյթոնը ճաշ պատրաստելիս վրանից երեխայի լաց է լսում: Մտենելով ներս` նա տեսել է, որ շունը տարել է երեխային:

Փոքրիկին սկսել են փնտրել մի քանի ժամ, սակայն հայտնաբերել են միայն շան հետքերը, իսկ Ազարիի մարմինն այդպես էլ չեն գտել. Չեմբերլենների վրանի մոտ եղել են նրա արյան հետքերը:

Հետաքննությունը դինգոյի մասին տարբերակը մտացածին է համարել և 1982 թվականին Լինդիին, որն այդ ժամանակ հղի էր, մեղավոր էին ճանաչել դստեր սպանության մեջ և դատապարտել ցմահ ազատազրկման: Նրա ամուսնուն տվել են պայմանական ազատազրկում` հանցագործությանը մասնակից լինելու համար: 1987 թվականին ամուսնիններին արդարացրել են, սակայն Ազարիի մահվան պատճառների մասին պաշտոնական եզարակացություն չի տրվել:

Հունիսի 12-ին Չեմբերլենների ընտանիքին հանձնել են Ազարիի մահվան վկայականը: Հետաքննությունը մեղավոր է ճանաչել դինգոյին` հաշվի առնելով դինգոների անսպասելի հարձակումները այլ երեխաների վրա: 1990-ից 2011 թվականները Ավստրալիայի Քվինսլենդ նահանգում գրանցվել է 239 դեպք, երբ դինգոները հարձակվել են մարդկանց վրա:

Չեմբերլենների ընտանիքի պատմության հիման վրա 1988 թվականին նկարահանվել էր «Ճիչ մթության մեջ» կինոնկարը (A Cry in the Dark)` Մերիլ Սթրիփի մասնակցությամբ: