Եգիպտոսի նախկին նախագահ Հոսնի Մուբարաքը, ով գտնվում է Կահիրեի բանտում, հարազարտներին կտակել է, որ իրեն հուղարկավորեն իր թոռան կողքին, ով մահացել է 3 տարի առաջ: Այս մասին գրում է եգիպտական Ալ Ահրամ թերթը: Հանդեսի տվյալներով, այդ մասին Մուբարաքը խնդրել է իր կնոջը՝ Սյուզան Սաբիթին եւ որդուն՝ Գամալին, երբ նրանք այցելել էին իրեն բանտում:
Մուբարաքի թոռը՝ 12-ամյա Մուհամմադը, մահացել է 2009թ: Մահվան հանգամանքները չեն նշվել: Որոշ տվյալներով, նա վայր է ընկել ձիուց՝ վնասելով ողնաշարը: Թոռան մահը նախկին նախագահին դեպրեսիայի մեջ է գցել եւ ազդել նրա առողջության վատթարացման վրա:
