Լրագրության ու էկոլոգիայի խաչմերուկում

    • Հասարակություն - Շաբաթ, 10 Մարտի 2012, 10:58

«Հանուն կայուն մարդկային զարգացման» ասոցացիան, Ֆրիդրիխ Էբերտ-Շտիֆտունգ հիմնադրամի աջակցությամբ Ծաղկաձորում կազմակերպել է եռօրյա սեմինար- քննարկումներ լրագրողական դաշտի ներկայացուցիչների համար՝ «Էկոլոգիական արդի հիմնախնդիրները լրագրողների աչքերով. Մարտահրավերները և լուծման ուղիները» խորագրով:

Էկոլոգիական հիմնախնդիրները այսօր կարծես թե միտում ունեն դառնալու քաղաքացիական կազմակերպված ակտիվիզմի հիմնական թիրախները: Այդպիսի միտում կա նաև ամբողջ աշխարհում, սկսած 68-ի երիտասարդական շարժումներից, երբ էկոլոգիական շարժումները կրկին առաջինն էին կայուն պրե-մոդեռն համակարգերը ռեկոնստրուկցիա անում:

Այսօր Հայաստանում նկատում ենք նմանատիպ մի բան: Ընդ որում, խնդիրն արդեն դուրս է եկել էկոլոգիական դաշտից ու արդեն տեղափոխվել է մշակութային-հասարակական դաշտ: Դրա վառ վկայությունը հենց Մաշտոցի այգում տեղի ունեցողն է: Եթե այգու ակտիվիզմի առաջին փուլում հիմնական թիրախները հենց էկոլոգիական ու իրավական հստակեցումներն էին, ապա այժմ արդեն ակցիան կրում է այլ բնույթ: Այն միտումը, որ սկսել են ելույթ ունենալ վերլուծաբաններ, գրողներ, հրապարակախոսներ, տեղում բազմաթիվ քնարկումներ են տեղի ունենում, այգին մեկնաբանվում է ասենք հայտնի գիտնականներ Հաբերմասի ու Ֆուկոյի տեքստերի կոնտեքստում, հենց դրա մասին է խոսում: Մաշտոցի այգու հանդեպ եղած սոցիալական հետաքրքրվածությունն էլ պտտվում է կրկին ոչ միայն իրավական, այլ ավելի շատ մշակութային-քաղաքացիական հարթություններում:

Այս ամենի կոնտեքստում ավելի ու ավելի է կարևորվում պրոֆեսիոնալ լրագրության դերը: Խոսքը ոչ միայն իրերն օբյեկտիվորեն ու անկողմնակալ ներկայացնելու մասին է, այլ նաև մեկնաբանման ու նոր հեռանկարներ բացելու: Եթե առաջին հայացքից ակտվիզմն ունի երկու կողմ ՝ բուն ակտիվիստներն ու քաղաքապետարանը, ապա ավելի խորը հայացքը ցույց է տալիս, որ հասարակություն/հայաստանցիներ-Մաշտոցի այգի կապն ապահովում են լրագրողները: Հենց նրանց ներկայացման ու մեկնաբանման արդյունքում է Մաշտոցի այգին ձևակերպվում որպես հանրային խնդիր, այդ ձևակերպումների մեջ է պարզ դառնում այգու խնդրի կուսակցականացումը, քաղաքականացումը, մշակութայնացումը:

Ծաղկաձորում ընթացող սեմինարն իր բնույթով արդեն իսկ խոսում է այն մասին, որ բուն ակտիվստական շարժումներից խնդիրն արդեն դուրս է եկել, թևակոխել պրոֆեսիոնալ էկոլոգիական ու լրագրողական քննարկումների դաշտ: Այսինքն կա պահանջարկ ոչ միայն հասկանալու, թե որ հանքից, որ այգուց ինչքան եկամուտ կամ ինչքան մաքուր օդ կարելի է ստանալ, այլ նաև թե էկոլոգիան ինչպես է տեղավորվում հասարակական նոր գիտակցության հեռանկարում, ու այդ հեռանկարի կառուցման մեջ լրագրողները ինչ դեր ունեն՝ ընդամենը հերթական աղյո՞ւսն են դնում, թե ամբողջ կառույցն են նախագծում:

Միաժամանակ քաղաքացիական ակտիվիզմի դիտարկումը պրոֆեսիոնալ մակարդակում ապահովում է լրագրողական նոր պրոֆեսիոնալ որակներ: Լրագրողն այլևս միայն լուր հայտնող, այս կամ այն կողմի համար պատվեր կատարող չէ, այլ լուրջ ակտոր, որի պրոֆեսիոնալիզմից է կախված նաև հանրային ցանկացած բանի՝ հանրային տարածքի, հանրային շահի, հանրային արժեքների ձևակերպման խնդիրը:

Հասարակություն

  1. Հայաստանում գործողության մեջ դրված քարոզչական հնարքները կարող են ցեղասպանություն հրահրել Ադրբեջանի ազգային փոքրամասնությունների նկատմամբ
    “Փախստականները և միջազգային իրավունքը” քաղաքացիական հասարակության ցանցի հայտարարությունը
    17:16 23/05/2013
  2. Մուլտիկուլտուրիզմի վախճանը Եվրոպայում
    Եվրոպայում միանգամից 3 իրադարձություն է տեղի ունեցել, որոնք կարող են վերջ դնել մուլտիկուլտուրիզմի քաղաքականությանը:
    14:29 23/05/2013
  3. «Տեղական եւ միջազգային գումարներն ուղղվում են ընդդեմ քաղաքացիական հասարակության»
    Մեր զրուցակիցն է Երևանի մամուլի ակումբի նախագահ Բորիս Նավասարդյանը
    13:28 23/05/2013
  4. Նախախորհրդարանի հայտարարությունը
    Օրեր առաջ զինծառայող Լյուքս Ստեփանյանը դարձավ պաշտպանական ոլորտում ձևավորված ու գործող` քրեական արժեհամակարգի ու բարքերի վրա հիմնված կառավարման համակարգի հերթական զոհը:
    12:26 23/05/2013
  5. Խմբագիրները սահմանում են խաղի կանոններ. հայտարարություն
    Հաշվի առնելով լրատվական դաշտում առկա իրավիճակը, երբ մամուլում հրապարակված լուրերն ու հոդվածները գրեթե վայրկյաններ անց հայտնվում են համացանցում
    11:12 23/05/2013
  6. Առևանգվել է սիրիահայ գրող Հակոբ Միքայելյանը
    ՀԲԸՄ Հալեպի տեղական վարչության ատենապետ Հակոբ Միքայելյանը Հալեպ-Բեյրութ ճանապարհին առևանգվել է ծայրահեղ իսլամիստական Ալ Նուսրա խմբի կողմից:
    10:08 23/05/2013
  7. Ամառային հանգստի մի քանի տարբերակներ
    Մի քանի տարբերակներ, թե որտեղ անցկացնել ամառային հանգիստը
    19:30 22/05/2013
  8. «Եվրատեսիլ»-ի կազմակերպիչները հաստատում են, որ Ռուսաստանը Ադրբեջանից չի ստացել և ոչ մի միավոր
    «Եվրատեսիլ» երաժշտական մրցույթի կազմակերպիչները մտադիր չեն լրացուցիչ կարգով ստուգել շվեդական Մալնե քաղաքում 2013թ.-ին անցկացված եզրափակչի տվյալները և վերանայել քվեարկության արդյունքները:
    12:35 22/05/2013
  9. Հրանուշ Հակոբյանի խորհրդավոր հետազոտությունը
    Սփյուռքի նախարար Հրանուշ Հակոբյանը լրագրողների հետ ճեպազրույցի ընթացքում խոսել է Եվրատեսիլի այսպես ասած «մութ» կողմերի մասին
    12:01 22/05/2013
  10. Հայաստանն այս տարի ևս միացել է Համաեվրոպական գրական գիշեր նախաձեռնությանը
    Միացյալ Թագավորության գրական գոհարները հայ դերասանները կընթերցեն մայիսի 23-ից -25-ը Երևանի տարբեր անկյուններում:
    11:30 22/05/2013

Ամենաընթերցվածը