Ամբողջ աշխարհն ախտահարած WannaCry շորթիչ վիրուսին հաղթելու միջոց են գտել

  • Հասարակություն - 19 Մայիսի 2017, 17:36

Ֆրանսիայի Quarkslab ընկերության մասնագետ Ադրիեն Գինեն գտել է WannaCry շորթիչ վիրուսի կողմից ախտահարված տվյալները վերծանելու միջոցը: Այս մասին, ինչպես տեղեկացնում է «Արմենպրես»-ը, նա հայտնել Է GitHub-ում հրապարակված հրահանգում: 

Գինեն բագ Է հայտնաբերել Windows XP համակարգում, որի գոյության մասին, դատելով ըստ ամենայնի, WannaCry-ի ստեղծողները նույնիսկ չեն կռահել: Նրա խոսքով՝ սխալը թույլ է տալիս համակարգչի հիշողությունից հանել RSA հատուկ բանալին, որն անհրաժեշտ է ախտահարված տվյալների վերծանման համար:  

Մասնագետը նշում է, որ իր մեթոդը, որն ստացել է Wannakey անվանումը, գործում է սոսկ Windows XP-ի հետ: Գինեն ինքն արդեն հասցրել է վերծանել ֆայլերը մի քանի վարակված համակարգիչներում:

Ամենաընթերցվածը