National Geographic-ն աստղերի դիտման հինավուրց վայրերի ցանկում ընդգրկել է նաեւ հայկական Քարահունջը

  • Հասարակություն - 28 Նոյեմբերի 2016, 18:07
National Geographic-ը հրապարակել է աստղերի դիտման համար աշխարհի լավագույն հինավուրց վայրերի ցանկը, որում ընդգրկել է նաեւ հայկական Քարահունջը:

Ինչպես տեղեկացնում է «Արմենպրես»-ը, հոդվածում նշվում է, որ հայկական Սթոունհենջը գտնվում է Պորտուգալիայի կրոմլեխից (քարերի հուշարձանից) դեպի արեւելք 3,000 մղոն հեռավորության վրա՝ Սիսիան քաղաքի մոտ: Այն հայտնի է նաեւ որպես Զորաց քարեր, քարերի ընդհանուր քանակը 223 է, որոնցից մի քանիսը կշռում է ընդհուպ մինչեւ 10 տոննա, իսկ որոշներն ունեն շրջանաձեւ անցքեր: 

Քարահունջի հետ միասին ցանկում ընդգրկված են նաեւ Նյու Մեքսիկոյի, Պորտուգալիայի, Հունաստանի, Քենիայի, Իրանի, Ավստրալիայի, Կալիֆոռնիայի նմանատիպ վայրերը:

Ամենաընթերցվածը