Կառավարության շենքի մոտ այսօր կտրուկ վատացավ զինծառայող Ռուբեն Միքայելյանի տատիկի առողջական վիճակը: Դեպքի վայր ժամանած շտապ բուժօգնության աշխատակիցներն օգնություն են ցուցաբերում տուժածին:
Ռուբեն Միքայելյանի մայրը` Շամիրամ Միքայելյանն արդեն մի քանի օր է` հացադուլի է նստել կառավարության շենքի մոտ: Նրա որդին, ով ծառայում էր Սիսիանի զորամասերից մեկում, այս տարվա մարտին ինքնասպանության փորձ է կատարել: Մայրն ասում է, որ որդին առողջական խնդիրներ ուներ, սակայն դա անտեսելով` նրան զորակոչել են բանակ: Զորամասում տղային դաժանորեն ծեծել են, հասցրել ինքնասպանության:
«Իսկ էսօր հայտարարում են, թե երակները կտրելով` խուսափել է ծառայությունից: Ցուցմունքում իրանք ասել են, որ ծեծել են դաժանաբար, բայց քննիչն այդ մասը հանել ա: Այդ դեպքից հետո տղայիս ուղարկել են գժանոց, գժանոցից հետո բերել եմ Մալաթիայի զորամաս, այնտեղ երեկ տղաս վատացել ա, սրտի կապլի են տվել, իմ երեխան հիվանդ ա, իմ երեխուն խի եք տարել բանակ»,- հարցադրում է անում հացադուլ հայտարարած մայրը: Նրա խոսքով` ինքն ավելի վաղ էր որոշել հացադուլի նստել: Սակայն կառավարությունից իրեն տուն էին ուղարկել` հավատացնելով, թե ամեն ինչ լավ կլինի: «Գնացի տուն ու զանգեցին, ասեցին, որ դատարան ա մտած գործը: Իմ երեխուն անմեղ տեղը դատում են»,- լացակումած ասաց Շամիրամ Միքայելյանը:
Կառավարության շենքի մոտ ցույցի դուրս եկած մահացած զինծառայողների մայրերը հայտարարեցին, թե «Ինքանսպանության անհաջող փորձ էր, դրա համար էլ ընկել են երեխու հետևից»: Մայրերը նշեցին, որ ոչ մի լավ բան չեն սպասում նոր կառավարությունից: Նրանք ասում են, որ գլխավոր դատախազն արդեն իրենց նամակներին էլ չի պատասխանում:
Վ. Շահինյան. Լիազորությունները չարաշահող պաշտոնատար անձինք կհայտնվեն ՀՔԾ տեսադաշտում
Քրեական գործ Սամվել Ալեքսանյանի կամ Տարոն Մարգարյանի դեմ
Ինքնասպանություն երեք կրակոցով
Բարձր աշխատավարձը օրենքը հարգելու երաշխիք չէ
Ռուբեն Հայրապետյանի վկայությունը Հարսնաքարի գործով
«Չեն կարողանում կարել ինքնասպանությունը երեխուս վրա»
