Գարրի Կասպարովը չի հասկանում իր ձերբակալության պատճառը

    • Քաղաքականություն - Ուրբաթ, 17 Օգոստոսի 2012, 20:12

ԵՐԵՎԱՆ, 17 ՕԳՈՍՏՈՍԻ, «ՓԱՍՏԻՆՖՈ»: Մոսկվայի Խամովնիչեսկյան շրջանի դատարանը մեղավոր է ճանաչել «Pussy Riot» խմբի անդամներին, որոնք դատարանի բնորոշմամբ «…կատարել են խուլիգանական արարք, այսինքն` խախտել են հասարակական կարգը` արտահայտելով բացահայտ անհարգալից վերաբերմունք հասարակության հանդեպ»:

Խմբի անդամներ Նադեժդա Տոլոկոննիկովան, Մարիա Ալյոխինան և Եկատերինա Սամուցևիչը և չբացահայտված էլի մի քանի հոգի ս/թ փետրվարի 21-ին դիմակավորված, հասարակական վայրին ոչ հարիր հագուստով ներխուժել են Մոսկվայի Քրիստոս Փրկիչ եկեղեցի, մոտեցել են խորանին և «ձայնագրող սարքի օգնությամբ մոտ մեկ րոպե բարձրաձայնել են ներկաներին վիրավորող հայհոյախոսություններ»:

Ինչպես ասված է դատավճռում, «ընդհանուր առմամբ այդ արարքով մեղադրյալները բացահայտ և ոչ երկիմաստ արտահայտել են իրենց կրոնական ատելությունը քրիստոնեության նկատմամբ:

Դատավճռում նշվում է, որ աղջիկների արարքը զուրկ է եղել բարոյականությունից, ունեցել է հասարակությանը հակադրվելու և տաճարում ընդունված վարքականոնը ոտնահարելու միտում:

Նշենք, որ դատական վարույթի ընթացքում պետական մեղադրող կողմը պահանջել է մեղադրյալներից յուրաքանչյուրի համար 3 տարվա ազատազրկում:

Այս դատավճռին, սակայն, համաձայն չէ Խամովնիչեսկյան շրջանի դատարանի մոտ հավաքված բազմությունը, որի անհամաձայնությունը վերաճել է չարտոնված տարերային ցույցի:

Այդ հանպատրաստից միջոցառման ընթացքում հնչել են տարբեր քաղաքական պահանջներ, ընդհուպ մինչև նախագահ Պուտինի հրաժարականը:

Ինչպես հաղորդում է ԻՏԱՌ-ՏԱՍՍ գործակալությունը, ոստիկանությունը ձերբակալել է ցույցի առավել ակտիվ մի շարք մասնակիցների, որոնց թվում նաև` Գարրի Կասպարովին, որը հայտարարել է, թե չի հասկանում իր ձերբակալության պատճառը:

Այսօր դատարան են եկել ընդդիմադիր մի շարք քաղաքական գործիչներ, լրագրողներ և հասարակական գործիչներ, որոնց թվում են` պատգամավոր Դմիտրի Գուդկովը, բլոգեր Ալեքսեյ Նավալնին, լրագրող Լեոնիդ Պարֆյոնովը, գրող Դմիտրի Բիկովը և ընդդիմադիր Վլադիմիր Ռիժկովը:

Ընդդիմադիր գործիչների կարծիքով այս դատը վճիռ է քաղաքացիական հասարակության դեմ:

Քաղաքականություն

  1. ՀՅԴ պատգամավորի ծանր հարցը վարչապետին
    ԱԺ ՀՅԴ պատգամավոր Արծվիկ Մինասյանն այսօր վարչապետ Տիգրան Սարգսյանից հետաքրքրվեց, թե նա ինչպե՞ս է գնահատում նախորդ կառավարության գործունեությունը:
    16:35 20/05/2013
  2. Եգիպտացի առեւանգված զինվորներին ու ոստիկաններին ազատելու համար գործի են դրվել տանկերը
    Եգիպտական զինուժի հրամանատարությունը տասնյակ տանկեր ու այլ ռազմական տեխնիկա է ուղարկել Սինայի թերակղզի:
    14:01 20/05/2013
  3. Փհենյանը 3 օրում 5 հրթիռ է արձակել
    ԿԺԴՀ-ը Ճապոնական ծովում փոքր հեռահարության հրթիռի փորձնական արձակում է իրականացրել:
    12:52 20/05/2013
  4. ԵԱՀԿ դիտարկում է անցկացվելու
    ԵԱՀԿ առաքելությունը Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում կանցկացնի Ֆիզուլիի ուղղությամբ:
    12:46 20/05/2013
  5. Գազի սակագնի թանկացումը հերթական «բարեկամական» դրսեւորում. Հայ արիների սթափության կոչը հայությանը
    Հայ-ռուսական հարաբերությունները դարերով համարվում են բարեկամական, սակայն պատմության առանցքային հատվածներում ամրագրված է այդ բարեկամի՝ մեջքից դանակով անվարան հարվածելու քաղաքականությունը:
    11:56 20/05/2013
  6. Նալբանդյանը մեկնում է Մեծ Բրիտանիա
    Մայիսի 20-21-ը Միացյալ Թագավորության արտաքին գործերի քարտուղար Ուիլյամ Հեյգի հրավերով արտգործնախարար Էդվարդ Նալբանդյանը պաշտոնական այց կկատարի Լոնդոն։
    15:11 18/05/2013
  7. Հայաստանի արտգործնախարարը մասնակցեց Վիշեգրադյան քառյակի անդամ երկրների արտգործնախարարների հանդիպմանը
    Հանդիպմանը քննարկվեցին Արևելյան գործընկերության շրջանակներում համագործակցության արձանագրած արդյունքները
    11:37 18/05/2013
  8. Հայաստանի արտգործնախարարի հանդիպումները Ստրասբուրգում
    Էդվարդ Նալբանդյանի առաջին հանդիպումը Եվրախորհրդի նախորդ նախագահող Անդորրայի ԱԳ նախարար Ժիլբերտ Սաբոյա Սունյեի հետ էր։
    10:52 18/05/2013
  9. Մահացել է Արգենտինայի նախկին դիկտատորը
    88 տարեկանում կյանքից հեռացել է Արգենտինայի նախկին դիկտատոր Խորխե Վիդելը:
    20:09 17/05/2013
  10. Միգրանտներն այսուհետ ծառայելու են ռուսական բանակում
    Ռուսաստանի Պետդուման բանակում ծառայության մասին օրենքում փոփոխություն է մտցրել, որի համաձայն` միգրանտները նույնպես պարտավոր են ծառայել ռուսական բանակում:
    20:00 17/05/2013

Ամենաընթերցվածը