ԵՐԵՎԱՆ, 9 ՕԳՈՍՏՈՍԻ, «ՓԱՍՏԻՆՖՈ»:Արաբական ԶԼՄ-ների փոխանցմամբ, օգոստոսի 8-ին Սիրիայում զոհվել է 162 մարդ: Գերակշռող մասը` 94, խաղաղ բնակիչներ են, 27-ը` ապստամբներ, 41-ը զինվորներ:
«Ալ-Արաբիա» քատարական ալիքը հայտնում է, որ սիրիական բանակը երկրի մեծությամբ երկրորդ քաղաքում` Հալեպում, շարունակում է ընդդիմության զինյալների դեմ ռազմական գործողությունները: Կառավարական զորքը հրետակոծում է քաղաքի երեք թաղամասերը` Սուկկարին, Անսարին և Մեշհեդուն: «Ալ-Վաթան»-ի տվյալներով, Հալեպում կառավարական զորքերին դիմակայում են 8-10 հազար զինյալ ծայրահեղականներ և վարձկաններ:
Ռազմական փորձագետները խոսում են ռազմական գործողության երկրորդ փուլի մասին այն բանից հետո, երբ կառավարական զորքերն իրենց հսկողության տակ վերցրին Սալահ-ադ-Դին հրապարակը և քաղաքի հարավ-արևմտյան արվարձանի այն հատվածը, որտեղով անցնում է դեպի Դամասկոս մայրուղին:
Նշվում է նաև, որ կարևորագույն միջոցառում կդառնա օգոստոսի 9-ին Իրանի մայրաքաղաք Թեհրանում կայանալիք խորհրդակցական հանդիպումը` նվիրված Սիրիայում քաղաքական կարգավորմանը: Իրանցիները մտադիր են կլոր սեղանի շուրջ հավաքել Քոֆի Անանի` խաղաղության ծրագրի իրագործման հարցում շահագրգիռ 12 երկրների փորձագետների:
Ի դեպ` Հալեպի ազգային առաջնորդարանի մամլո խոսնակ Ժիրայր Ռեիսյանն «Արմենպրես»-ին հայտնել է, որ դրսում կրակոցներ կան, աղմուկ է, սակայն իրավիճակը բավականին հանգիստ է, նույնիսկ նախորդ օրերի համեմատ բարելավվել է: «Հալեպում հայեր ապրում են ամենուրեք` մի տեղ ավելի շատ կամ ավելի քիչ: Հայաշատ թաղամասերում ևս դրությունը հանդարտ է»,-ասել է Ռեիսյանը: Հալեպահայերը ֆեյսբուքյան էջում նշում են, որ ապրում են լարված և սպասողական վիճակում:
Ըստ էներգետիկայի նախարարի, Իրանը մեզ էժան գազ չի տրամադրի
Մաքսային միության «ձրի պանիրը»
Ռուսաստանի հեղինակությունն աշխարհում նվազում է
Forbes. Աշխարհի 100 ամենաազդեցիկ կանայք
«Ձեզ այնքան կծեծեն, որ կարտագաղթեք, տղերք»
