Սիրիայի կառավարական զորքերի հրամանատարությունը ավարտում է նախապատրաստական աշխատանքները` Հալեպի վրա լիակատար վերահսկողությունը վերականգնելու համար: Այս մասին հայտնում է BBC-ն:
«Հալեպից մի քանի տասնյակ կիլոմետր հարավ և արևելք նկատվում են զորքերի կազմակերպված շարասյուներ, այդ թվում մոտորացված, որոնք, ենթադրվում է, սկսել են քաղաքի վրա գլխավոր հարձակումը, որի մի քանի թաղամասեր գտնվում են զինված ընդդիմության վերահսկողության տակ»,-հաղորդում է ռադիոն:
Միևնույն ժամանակ արևմտյան վերլուծաբանները հաղորդում են, որ Սիրիայի նախագահ Բաշար Ալ-Ասադի շրջապատն «արագ վերականգնվել է» հզոր հարվածից հետո, որն ընդդիմությունը հասցրել էր հուլիսի 18-ին Դամասկոսում իրականացրած պայթյունի ժամանակ, որի հետևանքով զոհվել էին Սիրիայի մի շարք բարձրաստիճան պաշտոնյաներ:
Փորձագետների տեղեկությունների համաձայն` Բաշար Ալ-Ասադը ստեղծել է հրամանատարական նոր ուժ` իր եղբոր` Մահեր Ալ-Ասադի գլխավորությամբ, որը պայքարելու է զինված ընդդիմության դեմ: Սրա վառ ապացույցն այն է, որ Ասադը կարողացավ վերահսկողություն հաստատել Դամասկոսում և այնտեղից դուրս հանել զինված ընդդիմության խմբավորումներին: Այժմ կառավարական ուժերն իրենց գործողություններն են սկսել Հալեպում:
Մինսկի խմբի համանախագահը մեկնաբանել է Սերգեյ Լավրովի խոսքը
ԱԳ նախարարն ընդունել է ԵԱՀԿ Մինսկի խմբի համանախագահներին
Գուանտանամոյի բանտարկյալները կտեղափոխվեն Եմեն
Ռուսաստանի նորանշանակ դեսպանն իր հավատարմագրերի պատճենը հանձնեց Հայաստանի արտգործնախարարին
Կոլումբիան, Մեքսիկան, Պերուն եւ Չիլին միասնական վիզային համակարգ են ստեղծելու
Ըստ էներգետիկայի նախարարի, Իրանը մեզ էժան գազ չի տրամադրի
