Եվրոգոտու ֆինանսների նախարարները հաստատել են համաձայնագիրը, ըստ որի, Մադրիդն իր բանկերի վերակապիտալիզացիայի համար ստանալու է մինչև 100 միլիարդ եվրո օգնություն: Ինչպես հայտնում է Ռոյթերը, այդ մասին հայտարարել է Լյուքսեմբուրգի ֆինանսների նախարար Լյուկ Ֆրիդենը:
Նրա խոսքով, գումարը փոխանցվելու է որոշ ժամանակ անց, քանի որ դեռ շարունակվում են այն ֆինանսական հաստատությունների վիճակի վերլուծությունը, որոնք օգնության կարիք ունեն:
Իսկ Ֆրանս Պրեսը, հղում կատարելով Եվրախմբում իր անանուն աղբյուրին, հայտնում է, որ նախարարները երկու ժամ տևած հեռախոսային խոսակցության ընթացքում տվել են օգնություն ցուցաբերելու ձևական համաձայնություն:
Բանակցությունների ընթացքում նախարարները քննարկել են վարկերի տոկոսադրույքները, ժամանակի սահմանափակումները և վարկային ծրագրի այլ մանրամասներ:
Միջոցները տրամադրելու է Եվրոպական ֆինանսական կայունացման հիմնադրամը (EFSF), որին հաջորդ տարի փոխարինելու է Եվրոպական կայունացման մեխանիզմը (ESM): Իսպանիայում օգնության բաշխման հարցերով զբաղվելու է բանկերի վերակապիտալիզացիայի տեղական Frob հիմնադրամը, որը ղեկավարվելու է ֆինանսական կազմակերպությունների աուդիտի արդյունքներով: Ավելի վաղ հայտել էին, որ Մադրիդը օգնության առաջին 30 միլիարդը ստանալու էր հուլիսի վերջին:
Նշենք, որ Իսպանիան եվրոգոտու չորրորդ երկիրն է, որ ֆինանսական օգնություն ստանալու համար դիմել է ԵՄ:
Հայաստանի արտգործնախարարի հանդիպումները Ստրասբուրգում
Մահացել է Արգենտինայի նախկին դիկտատորը
Միգրանտներն այսուհետ ծառայելու են ռուսական բանակում
Տարածքների «հանձնման» հարցը հանվե՞լ է կարգավորման նախագծից
Արեւմուտքն առաջարկում է սկսել Սամվել Ալեքսանյանից
Հայաստանի դրոշը բարձրացվեց Ստրասբուրգի քաղաքապետարանի առջև
Սիրիացի փախստականների թիվը գերազանցել է 1.5 միլիոնը
