Մեծ Բրիտանիայի թագուհի Եղիսաբեթ 2-րդը Հյուսիսային Իռլանդիա կատարած այցի ժամանակ առաջին անգամ հանդիպել է երկրի առաջին նախարարի տեղակալ Մարտին Մակգինեսի հետ, ով նախկինում գլխավորել է Իռլանդական հանրապետական բանակ ահաբեկչական կազմակերպությունը, որը պայքարում էր Հյուսիսային Իռլանդիայի անկախության համար, գրում է The Daily Telegraph-ը: Հանդիպումը տեղի է ունեցել հունիսի 27-ին մայրաքաղաքային թատրոնում:
Եղիսաբեթ 2-րդի եւ Մակգինեսի հանդիպումը յուրահատուկ նշանակություն ունի, քանի որ վերջինիս անվան հետ են կապում 1979թ ահաբեկչությունը, որի արդյունքում զոհվել է թագուհու ամուսնու՝ Ֆիլիպի հորեղբայր Լուիս Մաունթբեթենը: Մակգինեսը հերքում է մեղադրանքը՝ նշելով, որ ինքը հեռացել է Իռլանդական հանրապետական բանակից դեռեւս 1974թ:
