Մայիսի 19-ին Կրասնոդարում տեղի է ունեցել Ռուսաստանի հայերի միության տարածքային կազմակերպության հաշվետու-նախընտրական նիստը: Ռուսաստանի հայերի «Երկրամաս» թերթը գրում է, որ տարածքային կառույցի ղեկավարի հիմնական թեկնածուներն էին գործող նախագահ Ռազմիկ Գեւորգյանը եւ Կրասնոդար քաղաքի Կարասունյան շրջանի տեղական կառույցի խորհրդի անդամ, Կրասնոդարի քաղաքային դումայի անդամ Վլադիմիր Մարյանյանը:
Միջոցառումն աչքի է ընկել ծայրահեղ վատ կազմակերպվածությամբ եւ նյարդային լարված իրավիճակում: Հանդիպմանը բազմաթիվ սպառնալիքներ, վիրավորանքներ են հնչել: Այն բանից հետո, երբ պատվիրակների մեծ մասը բաց քվեարկությամբ քվեարկել է Գեւորգյանի օգտին, Վլադիմիր Մարյանյանի կողմնակիցները՝ ի նշան բողոքի, լքել են դահլիճը: 68-ամյա Ռազմիկ Գեւրոգյանը տարածքային կառույցը կղեկավարի եւս 5 տարի:
