Իրանի խորհրդարանի պատգամավոր պահպանողական Ալի Մոթահարին երկրի նախագահ Մահմուդ Ահմադինեջադին մեղադրել է երկրի բնակիչների շրջանում ազատ վարք դրսեւորելու համար, գրում է Ֆրանս Պրեսը: Նրա խոսքով, Ահմադինեջադն ուշադրություն չի դարձնում այն հանգամանքին, որ շատ իրանցի կանայք փողոց են դուրս գալիս անհարիր հագուստով:
«Հիջաբի հետ կապված իրավիճակն ամբողջությամբ ողբերգական է: Եվ դրա պատճառը նախագահի կողմից սանձարձակության գաղտնի խրախուսումն է», ասել է նա: Նրա խոսքով, Ահմադինեջադը եւ նրա աշխատակազմի ղեկավար Ռահիմ Մաշեին իրենց անգործությամբ խրախուսում են երիտասարդ պարսկուհիներին տաբատներ եւ կարճ կիսաշրջազգետներ կրել: Մոթահարիի խոսքով, դա իրական սեքսուալ սադրանք է:
Ահմադինեջադը, Մեշաին եւ աշխատակազմի մի շարք այլ անձինք վաղուց են հայտնվել կրոնական պահպանողականների թշնամիների ցուցակում: Նրանց մեղադրում են պարսկական ազգայնականությամբ տարվելու, Իսրայելի նկատմամբ հանդուրժողականություն դրսեւորելու, իսլամական արժեքներին չհետեւելու մեջ:
Ըստ էներգետիկայի նախարարի, Իրանը մեզ էժան գազ չի տրամադրի
Մաքսային միության «ձրի պանիրը»
Ռուսաստանի հեղինակությունն աշխարհում նվազում է
Forbes. Աշխարհի 100 ամենաազդեցիկ կանայք
«Ձեզ այնքան կծեծեն, որ կարտագաղթեք, տղերք»
