Արգենտինայի մայրաքաղաք Բուենոս Այրեսում պայթյուն է տեղի ունեցել Եվրամիության ներկայացուցչության գրասենյակի շենքի մոտ: Երկրի իրավապահ մարմինները հայտնում են, որ, բարեբախտաբար, տուժածներ չկան, թեթևակի վնասվել է միայն շենքը: Այս մասին հաղորդում է ԻՏԱՌ-ՏԱՍՍ-ը:
«Մենք հաստատում ենք, որ դա պայթուցիկ սարք է, սակայն դատախազությունն արգելել է ինչ-որ տեղեկություններ տրամադրել, քանի որ այն կարող է խանգարել հետաքննությանը»,-նշել է ոստիկանությունը:
Տեսախցիկները ֆիքսել են, թե ինչպես երկու անհայտ անձիք մոտենում են ԵՄ ներկայացուցչության շենքի մոտ, դռան մոտ թողնում կասկածելի պայուսակ և հեռանում: Մի քանի րոպե անց տեղի է ունենում պայթյուն:
Արգենտինայի ԱԳ նախարարության ներկայացուցիչը Բուենոս Այրեսում ԵՄ դեսպանին հայտարարել է, որ «արգենտինացի ժողովուրդը և կառավարությունը դատապարտում են այս գործողությունը, ինչպես նաև բռնության ցանկացած ձև»:
Վերջին շրջանում շարունակվում է լարվածությունը Արգենտինայի և ԵՄ-ի միջև: Ապրիլի 23-ին ԵՄ-ն հայտարարեց, որ պատրաստ է Առևտրի համաշխարհային կազմակերպություն հայց ներկայացնել Արգենտինայի դեմ` Բուենոս Այրեսին մեղադրելով Եվրոպայից ներմուծվող որոշ ապրանքների վրա արգելք դնելու համար: ԵՄ ներկայացուցչի խոսքերով, այդ սահմանափակումները խախտում են ԱՀԿ կանոնները:
Անկախ փորձագետները ԵՄ այս գործողությունները դիտում են որպես փորձ` ազդելու Բուենոս Այրեսի վրա, որը ցանկանում է ազգայնացնել Yacimientos Petroliferos Fiscales (YPF) նավթային ընկերությանը եւ որի բաժնետոմսերի վերահսկիչ փաթեթը պատկանում է իսպանական Repsol նավթային խմբին:
Մինսկի խմբի համանախագահը մեկնաբանել է Սերգեյ Լավրովի խոսքը
ԱԳ նախարարն ընդունել է ԵԱՀԿ Մինսկի խմբի համանախագահներին
Գուանտանամոյի բանտարկյալները կտեղափոխվեն Եմեն
Ռուսաստանի նորանշանակ դեսպանն իր հավատարմագրերի պատճենը հանձնեց Հայաստանի արտգործնախարարին
Կոլումբիան, Մեքսիկան, Պերուն եւ Չիլին միասնական վիզային համակարգ են ստեղծելու
Ըստ էներգետիկայի նախարարի, Իրանը մեզ էժան գազ չի տրամադրի
