Ռոյթեր լրատվական գործակալության իրանական բյուրոյի ղեկավար Փարիզ Հաֆեզին մոտ օրերս կանգնելու է դատարանի առջև` կապված հրապարակված հոդվածի վերնագրի հետ, որտեղ մարտարվեստ սովորող իրանցի կանանց անվանվել էին ապագա վարձու մարդասպաններ: Այս մասին հայտնում է «Ռիո Նովոստին»` հղում կատարելով իրանական Press TV հեռուստաընկերությունը:
Մարտի վերջին Իրանի իշխանությունները տեսանյութի և հոդվածի հրապարակումից հետո հետ են վերցրել Թեհրանում Ռոյթեր գործակալության բոլոր լրագրողների հավատարմագրերը` նինձյա-կանանց վերաբերյալ սխալ վերնագրի պատճառով:
Մարտարվեստի ակումբի խնդրանքով, որտեղ նկարահանվել էր տեսանյութը` «Հազարավոր նինձյա-կանայք պարապում են, որպեսզի դառնան իրանցի վարձու մարդասպաններ» վերանգիրը միանգամից փոխել են հետևայլի` «Երեք հազար նինձյա-կին պարապում է Իրանում»: Չնայած գործակալությունը ուղղել էր իր սխալը, սակայն Իրանի մշակույթի նախարարությունը հետ է վերցրել Ռոյթեր գործակալություն բոլոր 11 իրանցի աշխատակիցների հավատարմագրերը:
Իրանի իշխանությունների տվյալների համաձայն, Հաֆեզին դատարանի առջև պատասխան է տալու Իրանի կառավարության հասցեին արված կեղծ մեղադրանքների համար:
Գործակալության գլխավոր խմբագիր Սթիվեն Ադլերը ավելի վաղ ընդունել էր Ռոյթերի սխալը` տեղի ունեցածն անվանելով «շատ լուրջ միջադեպ»: Նա նաև հայտնել է, որ գործակալության ներսում ստուգումներ են անցկացվել այդ դեպքի առնչությամբ և խոստացել են թույլ չտալ նմանատիպ միջադեպի կրկնություն:
Նրա խոսքերով, գործակալությունը բանակցություններ է վարում Իրանի իշխանությունների հետ` լրագրողների հավատարմագրերի վերականգնելու համար:
ՀՅԴ պատգամավորի ծանր հարցը վարչապետին
Հայաստանի արտգործնախարարի հանդիպումները Ստրասբուրգում
Մահացել է Արգենտինայի նախկին դիկտատորը
Միգրանտներն այսուհետ ծառայելու են ռուսական բանակում
