Փենսիլվանիայից նախկին սենատոր Ռիկ Սանտորումը հաղթանակ է տարել Ալաբամա եւ Միսիսիպի նահանգներում մարտի 13-ին անցկացված փրայմերիզներում, տեղեկացնում է ABC News-ը:
Սանտորումն Ալաբամայում 35% է հավաքել: Երկրորդ տեղը կիսում են Կոնգրեսի Ներկայացուցիչների պալատի նախկին խոսնակ Նյուտ Գինգրիչը եւ Մասաչուսեթսի նախկին նահանգապետ Միթ Ռոմնին 29-ական տոկոսով:
Միսիսիպի նահանգում Սանտորումը հավաքել է 33%: Երկրորդ տեղում Գինգրիչն է 31%-ով, իսկ երրորդը Ռոմնին է՝ 30%-ով:
Միթ Ռոմնին եւ Ռիկ Սանտորումը համարվում են ԱՄՆ նախագահի ընտրություններում Հանրապետական կուսակցության գլխավոր թեկնածուները: Հիշեցնենք, որ նախագահական ընտրություններն անց են կացվելու 2012թ նոյեմբերի 6-ին:
