Երկու հայ Աբխազիայի խորհրդարանում

Աբխազիայի ԿԸՀ-ն երեկ հայտարարել է մարտի 10-ին տեղի ունեցած խորհրդարանական ընտրությունների արդյունքները:

Քվեարկության ընթացքը վեարհսկել են մի շարք բարձաստիճան դիտորդներ տարբեր երկրներից՝ ՌԴ Պետդումայի պատգամավոր Սերգեյ Կալաշնիկովը, ՌԴ Դաշնային խորհրդի անդամներ Ալեքսանդր Պոչինոկը եւ Վիկտոր Օզերովը, Տուվալուի վարչապետի ավագ քարտուղար Իսայա Տաապեն, Հայաստանի Հանրային խորհրդի հանձնաժողովի անդամ Արայիկ Սարգսյանը:

Խորհրդարանի 35 տեղերին հավակնում էին 148 թեկնածուներ: Ընդամենը առաջադրվել է 156 թեկնածու, որոնցից ԿԸՀ-ն գրանցել է 148-ին: Ընտրություններից 2 օր առաջ երկու թեկնածու հանել են իրենց թեկնածությունը:

114 պատգամավորներ առաջադրվել են ընտրողների խմբերի նախաձեռնությամբ, 34-ը՝ հանրապետության քաղաքական կուսակցությունների կողմից (11-ական թեկնածու առաջադրել էին Եդինայա Աբխազիան եւ Աբխազիայի ազգային միասնության ֆորումը, 6-ական թեկնածուներ՝ Կոմունիստական կուսակցությունը եւ Աբխազիայի տնտեսական զարգացման կուսակցությունը):

Ընտրությունների արդյունքում Աբխազիայի խորհրդարանի պատգամավորներ են ընտրվել 2 հայեր՝ Ռոբերտ Յայլայանը եւ Վաղարշակ Քյոսյանը: Հայերի 3-րդ թեկնածուն՝ Աբխազիայի հերոս Գալուստ Տրապիզոնյանը դուրս է եկել 2-րդ փուլ, որտեղ պայքարելու է լրագրող Լ. Գալուստյանի հետ: 35 ընտրատեղամասերից 21-ում Աբխազիայի ԿԸՀ-ն երկրորդ փուլ է հայտարարել: Ընտրությունների 2-րդ փուլը տեղի է ունենալու մարտի 24-ին:

Արայիկ Սարգսյան, Միջազգային դիտորդ, հատուկ Lragir.am-ի համար, Սուխում, Աբխազիա