Նիկոլ Փաշինյանը հազիվ էր զսպում, որ լայվ չմտնի

    • Քաղաքականություն - 15 Մայիսի 2018, 13:30
Սոչիում ԵՏՄ գագաթնաժողովին Վլադիմիր Պուտինի ավանդական ելույթի ժամանակ, ով ամենայն լրջությամբ խոսում էր միության ձեռքբերումների եւ հետագա ինտեգրացիայի մասին, «հավերժ» նախագահները նստած էին ավանդական քարացած դեմքերով:

Տեսանյութը սկզբում լուսանկարի էր նման, բայց հետո տեսախցիկը շրջվեց հայկական պատվիրակության՝ վարչապետ Նիկոլ Փաշինյանի եւ փոխվարչապետ Տիգրան Ավինյանի կողմ: Նիկոլ Փաշինյանը հանգիստ չէր կարողանում նստել, ժպտում էր կամ Պուտինի ասածի կամ էլ Նազարբաեւի ու Լուկաշենկոյի խիստ հայացքների ֆոնին: Նիկոլ Փաշինյանը երեւի շատ էր ուզում լայվ մտնել:

Տիգրան Ավինյանը նույնպես չէր կարողանում հանգիստ նստել եւ սկսեց տանջել գրիչը, շուռումուռ գալ՝ իր վրա հրավիրելով խիստ աչքերի ուշադրությունը:

Ի՞նչ էին մտածում սեղանի շուրջ նստած եվրասիական իշխանները: Որ իրենց ժամանակն ավարտվու՞մ է, եւ փոխարինելու են գալիս հեղափոխական լրագրողները, որոնք կարող են երգով ու պարով իշխանություն փոխել: Թե՞ նոստալգիայով Սերժ Սարգսյանին էին հիշել:

Ամենաընթերցվածը