Թրամփն աշխատավարձի քառորդ մասը փոխանցել Է ենթակառուցվածքային ծրագրերին

  • Քաղաքականություն - 14 Փետրվարի 2018, 12:12
ԱՄՆ-ի ախագահ Դոնալդ Թրամփը փետրվարի 13-ին տրանսպորտի նախարարությանն Է փոխանցել իր աշխատավարձը 100 հազար դոլարի չափով, որը պետության ղեկավարի պաշտոնում աշխատանքի համար ստացել է անցյալ տարվա չորրորդ եռամսյակում: Այս մասին, ինչպես տեղեկացնում է «Արմենպրես»-ը, հայտնել է Սպիտակ տան մամուլի քարտուղար Սառա Սանդերսը լրագրողների համար կայացած ճեպազրույցում:

«Այսօր նախագահը 2017 թվականի չորրորդ եռամսյակի իր աշխատավարձը նվիրեց տրանսպորտի նախարարությանը՝ մեր քանդվող ենթակառուցվածքի վերականգման եւ արդիականացման նրա ծրագրին աջակցելու նպատակով»,- նշել է Սանդերսը:

Փետրվարի 12-ին ԱՄՆ-ի վարչակազմը ներկայացրել է երկրի ենթակառուցվածքում 1,5 տրիլիոն դոլար գումարի ներդրումներ կատարելու ընդգրկուն պլանը: Ըստ որում 21 միլիարդ դոլարը կծախսվի միայն 2019 ֆինանսական տարում (ԱՄՆ-ում սկսվում Է հոկտեմբերի 1-ից), հաղորդել է ՏԱՍՍ-ը:

Ամենաընթերցվածը