Իսրայելը դիտարկում է TANAP-ին միանալու հնարավորությունը

  • Քաղաքականություն - 17 Հուլիսի 2017, 14:42

Ադրբեջանում Իսրայելի դեսպան Դան Ստավը հայտարարել է, որ Իսրայելը դիտարկում է TANAP գազատարի նախագծին միանալու հնարավորությունը: Ինչպես տեղեկացնում է «Արմենպրես»-ը, այս մասին հայտնում է EurAsia Daily-ն:

Դեսպանի խոսքով՝ Իսրայելը ցանկանում է դառնալ արտահանող երկիր և «կապույտ վառելիք» վաճառել Եվրոպա:

«Ներկայում մենք ունենք երկու հնարավորություն՝ Կիպրոսի ու Հունաստանի, ինչպես նար Թուրքիայի և TANAP-ի միջնորդությամբ: Այս պային դիտարկում ենք բոլոր այդ հնարավոր տարբերակները»,- նշել է դեսպանը:

TANAP խողովակաշարը կանցկացվի վրաց-թուրքական սահմանից մինչև Թուրքիայի արևմտյան սահմանը, և նախատեսում է ադրբեջանական գազի տեղափոխում դեպի Եվրոպա: Տեղափոխվող գազի սկզբնական ծավալը կազմելու է տարեկան 16 միլիարդ խորանարդ մետր, որից միայն 6 միլիարդն է օգտագործվելու Թուրքիայում, իսկ մնացածը տեղափոխվելու է Եվրոպա:

Ամենաընթերցվածը