Սիրիական բանակը մտել է Հալեպի արեւելյան շրջաններ

  • Քաղաքականություն - 23 Նոյեմբերի 2016, 10:27

Սիրիայի կառավարական զորքերի մարտիկներն արագացնում են Սիրիայի Հալեպ քաղաքի արեւելյան շրջանների ազատագրման գործողությունը: Այս մասին, ինչպես տեղեկացնում է «Արմենպրես»-ը, հայտնել է «Ալ Վաթան» թերթը:

Զորքերը Ջանդուլի շրջանաձեւ ուղեբաժանքից շարժվում են Բաիդին հրապարակի ուղղությամբ: Ճակատի այս հատվածում նրանց օգնություն է ցույց տալիս «Լիվա ալ Քուդս» պաղեստինյան բրիգադը, որը հանդես Է գալիս փախստականների Ինզարաթ ճամբարի կողմից:    

Միաժամանակ հրետանին զինյալների դիրքերի ուղղությամբ կրակ Է բացել Մասաքին Հանանո թաղամասում: «Ջեբհաթ Ֆաթհ աշ Շամ» ահաբեկչական խմբավորման զինյալները, որոնք ավելի վաղ իրենց հորջորջում էին «Ջեբհաթ ան Նուսրա», փորձում են այն վերահսկողության տակ պահել եւ այնտեղ են նետում օգնական ուժեր:

Ամենաընթերցվածը