Սան Ֆրանցիսկոյում Microsoft-ի գործադիր տնօրեն Սթիվ Բալմերը որոշակի գաղտնիքներ է բացել Microsoft Office 2013-ի մասին, որը թողարկվելու է միայն 2013 թվականին, գրում է The Telegraph-ը: Բալմերի խոսքով, նոր Օֆիսը «ընկերության երբեւէ ամենահավակնոտ ծրագիրն է, որն ուղղված է ինչպես ուսանողներին, ընտանիքներին, սպառողներին, այնպես էլ գործարարներին»:
Օֆիսի մեջ մտնող բոլոր ծրագրերը՝ Word, Outlook, Excel, OneNote եւ PowerPoint, թարմացվել են ու բարելավվել: Դրանք հեշտությամբ կիրառելի են լինելու նաեւ սմարթֆոների եւ պլանշետների համար: Նորություններից մեկը, օրինակ, այն է, որ Microsoft Word ծրագիրը, կկարողանա խմբագրել PDF ֆայլը եւ պահպանել գրվածը Adobe ծրագրով:
