Հայաստանի առաջին դեմքերի թիկնազորների պետերն առանցքային դեր ունեն: Դա բնական է՝ նրանք անմիջապես եւ ամենուր առաջին դեմքերի մոտ են, լավագույնս են տեղյակ նրանց թե անձնական, թե հասարակական-քաղաքական քայլերին ու մտադրություններին, նրանց ընտանիքների մտերիմն են ու ամենավստահելի մարդիկ: Նրանք «հարցեր են լուծում», ինչ որ առումով ազդում նաեւ առաջին դեմքերի որոշումների վրա: Զուր չէ, որ քաղաքական շրջադարձային պահերին նրանք հայտնվում են մամուլի եւ հանրության ուշադրության կենտրոնում:
Հայաստանում 1997-98 թ. իշխանափոխությունը «նշանավորվեց» Լեւոն Տեր-Պետրոսյանի թիկնազորի պետ գեներալ Ռոմեն Ղազարյանի մեքենայի վրա կրակոցներով: Նա հեռացավ Հայաստանից, եւ ներկայում Մոսկվայում է:
Ռոբերտ Քոչարյանի թիկնազորի պետ Գրիգորի Սարկիսյանը մահացավ սրտի կաթվածից, 2009-ի սեպտեմբերին: Այդ ժամանակաշրջանում հայկական ընդդիմությունը Սարկիսյանին մեղադրում էր այն բանում, որ նա է ղեկավարել 2008-ի մարտի 1-2-ի գործողությունները, որին զոհ գնաց 10 մարդ: Իսկ մամուլում էլ հրապարակվեց մի փաստաթուղթ-ցուցակ, ըստ որի Հայաստանի օլիգարխները ՊՆ-ից ստացել էին համապատասխան հագուստ եւ միջոցներ իրենց թիկնապահների համար: Ըստ մամուլի, այդ գործողությունն էլ համակարգել էր Գրիգորի Սարկիսյանը:
Օգոստոսի 18-ին կրկին սրտի կաթվածից մահացավ ՆԳ նախկին նախարար Վանո Սիրադեղյանի թիկնազորի նախկին պետ Սուրեն Սիրունյանը: Մինչ այդ, նա անդամակցում էր Հայ ազգային կոնգրեսին եւ ակտիվ մասնակցություն է ունեցել համաժողովրդական շարժմանը: Նա կոնգրեսից հեռացավ գաղափարական տարաձայնությունների պատճառով, համաձայն չլինելով Կոնգրեսի վերջին շրջանի քաղաքականությանը:
Վերջերս համացանցում ստորագրահավաք սկսեց, Վանո Սիրադեղյանին Հայաստան վերադարձնելու պահանջով: Բացի այդ, մամուլում եղավ հրապարակում, ըստ որի Վանո Սիրադեղյանը մահացել է, որին հետեւեց Սիրադեղյանի պատասխան նամակը: Սկսեցին վեճեր՝ արդյոք այն գրված է Վանոյի ձեռքով, եւ Սուրեն Սիրունյանը հաստատեց, որ նամակի ձեռագիրը եւ ոճը Սիրադեղյանինն է:
Սուրեն Սիրունյանը նաեւ մամուլի ասուլիսում պատմել էր, որ Վանո Սիրադեղյանին վերջին անգամ տեսել է Սունդուկյան թատրոնի մոտ, Գ. Լուսավորիչ փողոցում, որտեղ հրաժեշտ է տվել նրան Հայաստանից հեռանալուց առաջ: Հետաքրքիր է, որ Սիրունյանը իրեն վատ էր զգացել հենց գ. լուսավորիչ փողոցում, որտեղից տեղափոխվել էր հիվանդանոց: Մինչ այդ, նա իր ելույթներում միշտ խոստանում էր, որ կարեւոր նորություններ է ասելու:
Բայց իմացեք, սոված մարդն ընդունակ է ամեն ինչի»,- նախազգուշացրեց պատգամավորը
Հակակարկտային կայանները անձրեւը կարկուտի՞ են վերածել
Պաշտոնյաները կաջակցեն արմավիրցիներին անձնական միջոցներից
Բացվեցին Կարմիր Շուկա գյուղի խմելու ջրի համակարգը եւ Մարտունու հիվանդանոցը
