Եթե Հայաստանում ապաստան հայցողը ազգային անվտանգության տեսանկյունից վտանգ ներկայացնի, ապա դա կհամարվի ապաստանի մերժման հիմքերից մեկը: Կառավարությունն այսօրվա նիստում հավանություն տվեց «Փախստականների և ապաստանի մասին» օրենքում փոփոխություն և լրացում կատարելու մասին» ՀՀ օրենքի նախագծին և այն ուղարկեց ԱԺ: Նախագիծը նպատակ ունի կանխել Հայաստանում այն անձանց ապաստան ստանալը, ովքեր կարող են ՀՀ ազգային անվտանգության համար հնարավոր վտանգ ներկայացնել: Նախագծով առաջարկվում է ապաստան հայցողի հնարավոր վտանգ ներկայացնելու դեպքում ազգային անվտանգության հարցերով լիազոր մարմնի տված եզրակացությունը որպես ապաստանի տրամադրումը մերժելու պարտադիր հիմք նախատեսել:
Բացի այդ, առաջարկվում է նաև, որպեսզի միգրացիայի հարցերով լիազոր մարմինն ազգային անվտանգության համար հնարավոր վտանգ ներկայացնելու եզրակացություն ստանալու նպատակովբոլոր դեպքերում դիմիազգային անվտանգության հարցերովլիազոր մարմնին, այլ ոչ թե ըստ անհրաժեշտության:
Միգրացիոն պետական ծառայության պետ Գագիկ Եգանյանը կառավարության նիստից հետո լրագրողներին տեղեկացրեց, որ մինչ օրս այս դրույթն ապաստանի մերժման հիմքում ներառված չէր: Ապաստան տրամադրելուց հետո միայն, եթե ազգային անվտանգության հետ կապված խնդիրներ էին ծագում, դադարեցվում էր այդ կարգավիճակը: Ըստ Եգանյանի՝ դա ճիշտ մոտեցում է, քանի որ բոլորի շահերից է բխում, այդ թվում ՝ ազգային անվտանգության: Նա նաև տեղեկացրեց, որ մինչ օրս Հայաստանում դեռևս դեպք չի եղել, որ ապաստան հայցողի կարգավիճակից անձին զրկեն նման պատճառաբանությամբ:
Պաշտոնյաները կաջակցեն արմավիրցիներին անձնական միջոցներից
Բացվեցին Կարմիր Շուկա գյուղի խմելու ջրի համակարգը եւ Մարտունու հիվանդանոցը
«Գալուստ Սահակյանը գցեց նախագահի դերն ու նշանակությունը»
«Այս համակարգի կարևորագույն լծակներն են կոռուպցիան, ստվերն ու մենաշնորհները»
Ռոբերտ Նազարյանին դա «քիչ ա հետաքրքրում»
