Կառավարության շենքի մոտ այսօր բողոքի դուրս եկած մահացած զինծառայողների ծնողներին ոստիկանները հսկում էին հերթափոխով: Մայրերը նստել էին կառավարության մուտքի աստիճանների վրա, իսկ նրանցից յուրաքանչյուրի գլխավերևում կանգնել էր մեկ ոստիկան: Մոտ մեկ ժամ կանգնած ոստիկաններին փոխարինելու եկավ ոստիկանների այլ խումբ:
«Մեկն ասի, ո՞ւմ եք պաշտպանում, ինչի՞ց եք վախենում, որ կանգնել եք մեր գլխավերևում», դժգոհում էին բողոքող մայրերը: Հիշեցնենք, որ նախորդ շաբաթ կառավարության նիստի օրը զինվորների մայրերը ներխուժել էին կառավարության շենք՝ պաշտոնյաների ուշադրությունը հրավիրելով իրենց որդիների մահվան հանգամանքների բացահայտման վրա: Այդ դեպքից հետո ոստիկանները խստացրել են նրանց նկատմամբ սահմանած վերահսկողությունը:
Մահացած զինծառայողների ծնողները դժգոհ են պաշտոնյաներից, ովքեր չեն լսում իրենց խնդիրները և կառավարության նիստերի օրերին շենքի հետնամուտքերով են ելումուտ անում: Նրանք պաշտոնյաներին «մաուգլիի միջի շակալներ» են անվանում՝ նշելով, որ «կռիսի պես ծակ են ման գալիս, որ փախնեն»:
Զոհված զինծառայողին հուղարկավորեցին
Ցույց կառավարության շենքի մոտ
Սեյրան Օհանյանը պատմել է սպանության մանրամասները
Նախարարն ու ոստիկանապետը զոհվածի ծնողների հետ գնացին գյուղ
Ոստիկանները հարձակվել են լրագրողների վրա եւ խլել նկարահանող սարքերը
