ԵՐԵՎԱՆ, 20 ՀՈւԼԻՍԻ, «ՓԱՍՏԻՆՖՈ»: Այսօր տեղի ունեցած մամուլի ասուլիսի ընթացքում ՀՀ ոստիկանության պետի տեղակալ Հունան Պողոսյանը նշեց, որ 2012 թ. 1-ին կիսամյակում հանցագործությունների ընդհանուր թվաքանակի ընդամենը 905 դեպքով նվազումը ոչ ոք չէր կարող կանխատեսել. «Դա կատարված ընդհանուր և անհատական կանխարգելիչ աշխատանքների արդյունք է, քանի որ մենք, յուրաքանչյուր վարչական տարածքում վերլուծելով օպերատիվ իրավիճակը, կազմել ենք շրջիկ խմբեր, որոնք շատ օպերատիվ են աշխատել, ծառայություններ են կատարել գիշերային ժամերին»:
Այս տարվա վեց ամիսներին 161 խմբի կողմից կատարվել է 349 հանցագործություն, որոնցից 49-ը կատարել են նախկինում դատապարտվածները: Քրեական պատասխանատվության ենթարկվել են 378 անձինք: Ինչ վերաբերում է ավազակային հարձակումներին, կողոպուտներին, գողություններին, ապա Հ. Պողոսյանի խոսքով՝ միայն այս տարվա վեց ամիսներին վնասազերծվել են ավազակություններ, կողոպուտներ, բնակարանային գողություններ կատարող 95 հանցավոր խումբ, ինչպես նաև երեք և ավելի հանցագործություն կատարած 92 անձինք: Վնասազերծված հանցավոր տարրերից 116-ը կրկնահանցագործներ են:
Թաթուլ Պետրոսյան. «Վեզիրյանը հայտարարել է, որ որևէ բողոք չունի»
Ոստիկանության պետի տեղակալն անդրադարձավ նաև «Հարսնաքար» ռեստորանային համալիրում տեղի ունեցած ողբերգական միջադեպին: Ասուլիսում հնչած այն հարցին, թե ի՞նչ գնահատական կարող է տալ «Հարսնաքարի» միջադեպից հետո մոմավառության ժամանակ Ռուբեն Հայրապետյանի՝ Արման Վեզիրյանին ապտակելուն, ոստիկանության պետի տեղակալ Հունան Պողոսյանը պատասխանեց, որ որպես քաղաքացի դատապարտում է ցանկացած բռնություն, պարզապես դուք առաջնորդվում եք զգացմունքայնությամբ, մենք՝ արարքին իրավական գնահատական տալով»: Այնուհետև հարցին պատասխանեց ոստիկանության իրավաբանական վարչության պետ Թաթուլ Պետրոսյանը, նշելով, որ ոստիկանությունը գնահատական է տալիս կոնկրետ կատարված արարքին: «Քրեական դատավարության օրենսդրությամբ հստակ սահմանված են մասնավոր գանգատի գործերը: Տվյալ դեպքում լրատվամիջոցներով տրված հայտարարության հիման վրա Արման Վեզիրյանին հրավիրեցինք բաժանմունք, խնդրեցինք պարզաբանումներ, սակայն նա հրաժարվեց և հայտարարեց, որ որևէ բողոք չունի: Իսկ եթե մասնավոր գանգատի գործերով քաղաքացին բողոք չունի, ոստիկանությունը իրավասու չէ շարունակել այն»:
Լսեցի՞ք, ինչ ասացի
Արկադի Վարդանյանը կասկածվում է սպանություն նախապատրաստելու մեջ
ԲՀԿ խմբակցության պատգամավորն իրեն անկիրթ է պահել
