ԵՐԵՎԱՆ, 14 ՀՈւԼԻՍԻ, «ՓԱՍՏԻՆՖՈ»: ՀՀ գլխավոր դատախազության`ԱԱԾ մարմիններում քննվող և կիբերհանցագործությունների գործերով վարչությունում կատարված ուսումնասիրությունների համաձայն՝ 2011թ. ՀՀ պետական սահմանն ապօրինի հատելու դեպքերի մեծամասնությունը կատարվել է Հայաստանի Հանրապետությունից դուրս գալու նպատակով:
Սահմանախախտներն առավել հաճախ փորձում են մեկնել ԱՄՆ կամ Շենգենի համաձայանագրի գոտում գտնվող եվրոպական երկրներ, տարանցիկ՝ Թուրքիա և Արաբական Միացյալ Էմիրություններ:
Դրանք մեծամասամբ կատարվում են սոցիալ-կենցաղային վիճակի բարելավման, աշխատանք և նոր կյանք փնտրելու, ընտանիքների վերամիավորման, ամուսնության ակնկալիքով, առանձին դեպքերում՝ զինակոչից և քրեական հետապնդումից խուսափելու, իսկ երբեմն նաև մարմնավաճառությամբ զբաղվելու նպատակով:
Արձանագրված ապօրինի սահմանահատման դեպքերը գրեթե մշտապես զուգորդվում են իրավունք վերապահող կեղծ փաստաթղթերի՝ անձնագրերի, մուտքի հրավերների, վերադարձի վկայականների օգտագործմամբ
