ԵՐԵՎԱՆ, 10 ՀՈւԼԻՍԻ, «ՓԱՍՏԻՆՖՈ»: ՀՀ արդարադատության նախարարության Դատական ակտերի հարկադիր կատարման ծառայությունը 2012թ. առաջին կիսամյակում հօգուտ պահանջատերերի բռնագանձել է 7.123.852.314 դրամ՝ նախորդ տարվա նույն ժամանակահատվածում բռնագանձած 6.847.682.942 դրամի դիմաց:
Ինչպես հուլիսի 10-ին հրավիրված մամուլի ասուլիսում լրագրողներին հայտնեց ծառայության ղեկավար Միհրան Պողոսյանը, 7.123.852.314 դրամից պետական բյուջեի օգտին բռնագանձվել է 1.294.121.623, իրավաբանական անձանց օգտին՝ 2.877.950.188, ֆիզիկական անձանց օգտին՝ 1.055.706.259 դրամ: Նշվեց նաև, որ հաշվետու ժամանակահատվածում հայցի ապահովումներով վերականգնվել է 846.656.005 դրամ, ոչ գույքային բնույթի կատարողական վարույթներով հարուցվել և ընթացք է տրվել 9576 կատարողական վարույթների, ավարտված ու կարճված կատարողական վարույթների աճը կազմել է 104 տոկոս:
Ծառայության ղեկավարն ընդգծեց, որ ուշացած կատարողական վարույթներ գրեթե չկան, ինչը, նրա բնորոշմամբ, մեծ հաղթանակ է ծառայության համար:
Մ. Պողոսյանը հայտնեց նաև, որ դատախազություն ուղարկված 14 գործից 6-ով քրեական գործեր են հարուցվել:
«Թող տեղերով փոխվեն՝ ժողովուրդը ղեկավարի, իրենք վայելեն»
Գազի գինը հնարավոր է իջեցնել
Ատոմակայանում կադրերի հոսունություն է նկատվում
Վարչապետը խոսել է իր քաղած դասերի մասին
