Այսօր Արաբկիր և Քանաքեռ–Զեյթուն վարչական շրջանների ընդհանուր իրավասության դատարանում տեղի ունեցավ քաղաքացիական գործի նախնականքննությունը ըստ Քանաքեռ–Զեյթուն համայնքի մի խումբ քաղաքացիների հայցի՝ ընդդեմ «Մեծ մահակ» ընկերության և Երևանի քաղաքապետարանի՝ «Սուրենյան պուրակում ապօրինի ցանկապատը քանդելու, ծառահատումներն արգելելու, մինչև իրավունքի խախտումը եղած դրությունը վերականգնելու և շինարարական թույլտվությունը անվավեր ճանաչելու» պահանջների մասին:
Նիստի սկզբում պատասխանող կողմը ներկայացրեց հակընդդեմ հայց, որը դատավորը վերցրեց ուսումնասիրելու։ Հայցվոր կողմը ներկայացրեց, որ այգում «Մեծ մահակ» ընկերության կողմից արմատախիլ են արվել ծառեր, որին հակադարձեց պատասխանող կողմը։ Որոշվեց իրականացնել տեղազննում, և կողմերն ու դատավոր Ալվարդ Հունանյանն ուղևորվեցին Սուրենյան պուրակ։ Այնտեղ տեղում պարզ երևում էին արմատախիլ եղած ծառերի հետքերը։ Իրեն բավականին ագրեսիվ էր պահում տարածքի ու «Մեծ մահակ» ընկերության համասեփականատերերից մեկը՝ վիրավորելով բնակիչներին, անվանելով «աբիժնիկներ» ու «չմոներ»:
Այնուհետև՝ արդեն դատարանի դահլիճում, պատասխանող կողմը ներկայացրեց միջնորդություն հայցի ապահովման միջոցը վերացնելու, տարածքը կալանքից հանելու մասին։ Դատարանը, գտնելով, որ հայցի ապահովման միջոցի վերացմամբ իմաստազուրկ կդառնա սույն գործի քննությունը, մերժեց միջնորդությունը։
Դատական հաջորդ նիստը կկայանա օգոստոսի 20–ին, ժամը 11-ին։
«Թող տեղերով փոխվեն՝ ժողովուրդը ղեկավարի, իրենք վայելեն»
Գազի գինը հնարավոր է իջեցնել
Ատոմակայանում կադրերի հոսունություն է նկատվում
Վարչապետը խոսել է իր քաղած դասերի մասին
Անցած շաբաթվա 50,000-րդ միջազգային զանգը ստացած Orange բաժանորդը կմեկնի Ռուսաստան
Տիգրան Սարգսյան. Այս 4-5 տարիները պետք է ժողովուրդը վայելի
