ԲՀԿ խմբակցության անդամ, նախկին արտգործնախարար Վարդան Օսկանյանը կառավարության ծրագրի քննարկմանը ելույթ ունենալով ԱԺ ամբիոնից, հայտարարել է, որ վարչապետ Տիգրան Սարգսյանը դեռ չի ձերբազատվել իր մոնետարիստական մտածողությունից: Վարդան Օսկանյանը նշել է, որ Հայաստանում ճգնաժամի ընթացքում 14 տոկոսի տնտեսական անկման գլխավոր պատճառը եղել է կառավարության սխալ քաղաքականությունը:
Վարդան Օսկանյանը նշել է, որ անկումն ուներ երեք պատճառ՝ ճգնաժամ, տնտեսական կառուցվածք, եւ կառավարության սխալներ: «Ես համոզված եմ, որ այդ երեքի մեջ գերակշռողը եղել է ձեր վարած թերի և սխալ քաղաքականությունը՝ չկարողացաք ճիշտ գնահատել միջազգային ճգնաժամի առկայությունը և դրա ազդեցությունը մեր տնտեսության վրա», հայտարարել է Վարդան Օսկանյանը։
Նա իր զարմանքն է հայտնել, որ Տիգրան Սարգսյանը չի խոսել արտաքին պարտքի աճի մասին, որը ներկայումս ՀՆԱ մոտ 45 տոկոսին է հասել: Վարդան Օսկանյանը նշել է, որ Հայաստանի կառավարությունը իր հայտարարած բարեփոխումները նույնիսկ կեսին չի հասցրել:
Օսկանյանը հայտարարել է, որ կառավարության քառամյա գործունեության արդյունքում ավելացել է աղքատությունը, նվազել են արտաքին ներդրումները:
Վարդան Օսկանյանը հայտարարել է, որ կառավարության ներկայացրած ծրագիրը չի կարող ապահովել 7 տոկոս տնտեսական աճ, որի մասին խոսում է կառավարությունը: «Այն, ինչ այսօր դուք ներակայացրեցիք և այն, ինչ իրականությունն է, իրար չեն համապատասխանում», հայտարարել է Վարդան Օսկանյանը եւ նշել, որ կառավարությունը անցած տարիներին ցույց է տվել, որ ունակ չէ ընդունել իր սխալները:
Ցինիզմը միշտ կար, պարզապես պոկվել է «պատշաճության» դիմակը
Բայց իմացեք, սոված մարդն ընդունակ է ամեն ինչի»,- նախազգուշացրեց պատգամավորը
Հակակարկտային կայանները անձրեւը կարկուտի՞ են վերածել
Պաշտոնյաները կաջակցեն արմավիրցիներին անձնական միջոցներից
