Արդեն տեղեկացրել ենք, որ Արարատի քաղաքապետ Աբրահամ Բաբայանը մեկնել է Ֆրանսիա, որտեղ, ըստ տեղեկությունների, բիզնես ունի: Բանն այն է, որ ՀՀԿ-ն նրանից պահանջում է հետ վերադարձնել այն գումարը, մոտ 200 հազար դոլար, որը տրվել էր ընտրությունների համար: ՀՀԿ-ում կարծում են, որ Արարատում ցածր արդյունքի պատճառն այն է, որ Բաբայանը չի բաժանել այդ գումարը: Ըստ տեղեկությունների, Բաբայանը գնացել էր այնտեղից փող բերելու, որից հետո հրաժարականի դիմում պետք է գրեր:
Ըստ Արարատում շրջանառվող տեղեկությունների, Բաբայանը իր մերձավորներին տեղեկացրել է, որ հնարավոր է հետ չվերադառնա, քանի որ Ֆրանսիայում գործերը լավ չեն, եւ չի կարողանում հայթայթել այդ գումարը: Նա ասել է նաեւ, որ դժվար թե իր հովանավոր նախկին ոստիկանապետ Ալիկ Սարգսյանը կարողանա պաշտպանել իրեն, քանի որ նրա գործերն էլ լավ չեն:
Նշենք, որ օրերս տեղեկություն տարածվեց, թե Ալիկ Սարգսյանին ձերբակալել են, որը սակայն հերքվեց:
Ինքը Բաբայանը նույնպես խնդիրներ ունի. նա վաճառքի է հանել իրեն պատկանող քաղաքի թիվ 5 մանկապարտեզի շենքը, որը տարիներ առաջ սեփականաշնորհել է չնչին գումարով եւ օրենքի խախտումով: Ըստ օրենքի, արգելվում է մանկապարտեզների շենքի մասնավորեցումը, եւ Բաբայանը, օրենքը շրջանցելու համար, կեղծ փաստաթղթեր էր ձեւակերպել եւ կեղծել նախկին քաղաքապետի ստորագրությունը: Ներկայում այս գործը գտնվում է գլխավոր դատախազությունում:
Ցինիզմը միշտ կար, պարզապես պոկվել է «պատշաճության» դիմակը
Բայց իմացեք, սոված մարդն ընդունակ է ամեն ինչի»,- նախազգուշացրեց պատգամավորը
Հակակարկտային կայանները անձրեւը կարկուտի՞ են վերածել
Պաշտոնյաները կաջակցեն արմավիրցիներին անձնական միջոցներից
