Տավուշի մարզում ադրբեջանական դիվերսիայից հետո քաղաքական ուժերը, ռազմական գործիչները հանդես եկան հայտարարություններով: Այս ֆոնին բավական հետաքրքրական էր Բարգավաճ Հայաստան կուսակցության արձագանքը: Ըստ մամուլի տեղեկությունների, ԲՀԿ նախագահ Գագիկ Ծառուկյանը խորհրդակցություն է հրավիրել այս հարցերով: Որոշվել է ԲՀԿ պատգամավորներին ուղարկել Տավուշի մարզ, որպեսզի պատգամավորները տեղում ճշտեն հրատապ խնդիրները, որից հետո «Ծառուկյան» հիմնադրամի միջոցով դրանց լուծում տրվի:
ԲՀԿ նման արձագանքը որոշ հարցեր է առաջացնում, որոնք առնչվում են ԲՀԿ պահվածքին եւ ոճին:
Նախ, երկար տարիներ ԲՀԿ-ն եղել է կառավարության մաս, եւ ավելին, ղեկավարել է հենց սոցիալական եւ քաղաքաշինության ոլորտը, իսկ սահմանամերձ շրջաններում հենց սոցիալական եւ քաղաքաշինական խնդիրներն են մինչ օրս մնում ամենահրատապներից մեկը:
Մյուս կարեւոր խնդիրը քաղաքական նոր մշակույթի, նոր որակի հարցն է, որը բարձրացնում էին ԲՀԿ ներկայացուցիչները խորհրդարանի ընտրության ժամանակաշրջանում: Նրանք նշում էին, որ խորհրդարանը պետք է ի վերջո դառնա քաղաքական եւ ներկայացուցչական մարմին, որտեղ կբարձրացվեն հրատապ խնդիրները:
Տվյալ դեպքում, ենթադրվում է, որ ԲՀԿ-ն պետք է օգտագործեր իր լծակները, տվյալ դեպքում՝ խորհրդարանը, որտեղ զգալի ներկայություն ունի, հարցերը բարձրացնելու համար, այդ թվում կառավարության առաջ: Դա է քաղաքական կուսակցության գործունեության իմաստը: Փոխարենը, ԲՀԿ-ն փաստացի իր վրա է վերցնում պետական մարմինների գործառույթները: Իսկ դա չի կարող նպաստել հրատապ խնդիրների երկարաժամկետ ու հիմնարար լուծմանը:
Ի վերջո, ամեն մեկը պետք է զբաղվի իր գործով, այդ թվում կուսակցությունները: Եթե սա չի արվում, ապա մնացյալը խոշոր հաշվով քարոզչություն է, փիառ: Եւ այն էլ՝ սահմանում տեղի ունեցած միջադեպի ֆոնին:
Լսեցի՞ք, ինչ ասացի
Արկադի Վարդանյանը կասկածվում է սպանություն նախապատրաստելու մեջ
ԲՀԿ խմբակցության պատգամավորն իրեն անկիրթ է պահել
