Քաղաքացիական հասարակության ֆորումի Հայաստանի ազգային պլատֆորմի հայտարարությունը

    • Ներքին կյանք - Ուրբաթ, 01 Հունիսի 2012, 15:29

Հայաստանում ծավալվող այլատյացության եւ անհանդուրժողականության վերաբերյալ

ՔՀՖ Հայաստանի ազգային պլատֆորմը իր խորը մտահոգությունն է հայտնում ս.թ. մայիսի 8-ին Երեւանում DIY ակումբի պայթեցման, ապաեւ դրան հետեւած որոշ արձագանքների կապակցությամբ: Խստորեն դատապարտում ենք այլատյացության, մասնավորապես` հոմոֆոբիայի ցանկացած դրսեւորում եւ բոլոր նրանց, ովքեր ուղղակի կամ անուղղակի խրախուսում են անհանդուրժողականության սերմանումը Հայաստանում:

Անընդունելի ենք համարում մայիսի 21-ին «Բազմազանության շքերթի» մասնակիցների վրա հարձակումը Երեւանի կենտրոնում եւ ընդհանրապես բռնությամբ որեւէ դիրքորոշում արտահայտելու փորձերը: Անհրաժեշտ ենք համարում իրավապահ մարմինների վճռական արձագանքը բռնության կոնկրետ դրսեւորումների նկատմամբ: Մինչդեռ ոստիկանությունը անտեսում է անթաքույց այլատյացություն քարոզող անձանց կողմից DIY ակումբի սեփականատեր Արմինե (Ծոմակ) Օգանեզովայի հանդեպ իրականացվող հետապնդումների մասին ահազանգերը:

Առավել մտահոգիչ է, որ անհանդուրժողականություն եւ այլատյացություն քարոզողների շարքում հայտնվել են որոշ քաղաքական ուժերի ներկայացուցիչներ, այդ թվում` իշխանության մաս կազմող եւ խորհրդարանում ներկայացված: Մասնավորապես, անընդունելի են նշված միջադեպերի առնչությամբ ՀՀԿ մամլո խոսնակ, ԱԺ փոխնախագահ Էդուարդ Շարմազանովի, ՀՀԿ խորհրդի անդամ Հովհաննես Սահակյանի, ՀՅԴ ԱԺ խմբակցության պատգամավոր Արծվիկ Մինասյանի արած հայտարարությունները:

Հայաստանում անհանդուրժողականության տարածման այս գործընթացը, որը խրախուսվում է նաեւ քաղաքական վերնախավի որոշ ներկայացուցիչների կողմից եւ ուղեկցվում է բռնության դրսեւորումներով, ծանր հետեւանքներ կարող է ունենալ հայ հասարակության ու պետության համար: Այլատյացությունն ազգային արժեքների հետ կապելու, ավելին` դրանցով հիմնավորելու բոլոր փորձերը, ազգային շահը մարդու իրավունքներին հակադրելը կհանգեցնեն երկրում նորանոր բաժանարար գծերի առաջացմանը: Մենք գտնում ենք, որ ազատությո՛ւնն ու արդարությո՛ւնն են իրական ազգային արժեքները, Հայաստանի Հանրապետության քաղաքացիների իրավունքների նկատմամբ հարգանքն ու նրանց պաշտպանվածությունն է իրական ազգային շահը: Կոչ ենք անում հասարակության առողջ ուժերին համախմբվել եւ իրենց ձայնը բարձրացնել ընդդեմ այլատյացության ծավալման վտանգավոր միտումների:

Ներքին կյանք

  1. Խոստացել է տրամադրել տրակտորներ ու գումարներ է վերցրել գյուղացիներից
    Արշակ Աբրահամյանը, ներկայանալով որպես գյուղնախարարության աշխատակից, Տավուշի մարզի մի շարք գյուղերի բնակիչներից խաբեությամբ հափշտակել է գումարներ
    19:46 18/06/2013
  2. Գեներալ Սարոյան. «Որ ասեմ քյասիբ եմ, կհավատա”ս, իհարկե հարուստ եմ»
    «Այ մարդ, ես շատ գիտեմ, մթոմ ես մեր տունը շատ եմ կարում կառավարեմ, հիմա անցնել խալխի տներին»:
    19:00 18/06/2013
  3. Գեներալ Մանվելը 1 ամիս հետո կփոխի նախագահին ու վարչապետին
    «Զենքն ու գրանատան իրարից չէին տարբերում, առաջին օրերին էին զոհվում, երկրորդ օրերին, օր ա եղել, 8-9 ուղղաթիռ վիրավոր ու զոհ ենք ուղարկել, անձամբ ես»:
    18:16 18/06/2013
  4. Ինսուլինի հերթական խմբաքանակը բաշխվել է
    ՀՀ առողջապահության նախարարությունը հանրապետության բուժհաստատություններին հատկացրել է ինսուլինի հերթական խմբաքանակը։
    18:02 18/06/2013
  5. Պարզաբանում Թուրքիայում վթարի ենթարկված միկրոավտոբուսի կապակցությամբ
    Այն պատկանում է 1981թ-ին ծնված, իրաքահայ Արա Էդուարդ Հոսեփին
    17:25 18/06/2013
  6. Տասնյակ մարդիկ, որոնք Հրազդանի ձորում կանգնել, կամուֆլյաժով նկարվել են և այսօր համարվում են ազատամարտիկներ
    ՀՅԴ պատգամավոր Արծվիկ Մինասյանն էլ ասաց, որ այս փաթեթով կարծես հաթաթա են տալիս ու «ջիջիլ գցում» ընդդիմությանը, թե կարգավորում են ազատամարտիկների խնդիրները:
    17:06 18/06/2013
  7. Եվս երկու ամսով երկարացվել է Վարդան Ղուկասյանի եղբորորդու կալանքի ժամկետը
    Շիրակի մարզի ընդհանուր իրավասության դատարանն այսօր ևս երկու ամսով երկարացրել է Գյումրիի նախկին քաղաքապետ Վարդան Ղուկասյանի եղբորորդու՝ Վահե Ղուկասյանի կալանքի ժամկետը:
    17:05 18/06/2013
  8. Վարչապետը ծանոթացել է Սանահինի վանական համալիրի վերականգնողական աշխատանքների ընթացքին
    Լոռու մարզ կատարած աշխատանքային այցի ընթացքում վարչապետ Տիգրան Սարգսյանի առաջին կանգառը եղել է Սանահինի վանական համալիրում:
    16:54 18/06/2013
  9. Գեներալ Սարոյանը գոռգոռում էր պատգամավորների վրա
    Պատգամավոր Սամվել Ֆարմանյանը մանրամասնեց, որ օրենքով երկրապահ կամավորականի կարգավիճակ են ստանում այն անձինք, ովքեր ոչ պակաս երեք ամիս կամավորական սկզբունքով մասնակցել են մարտական գործողություններին:
    16:37 18/06/2013
  10. Կալանավորը դադարեցրեց հացադուլը
    «Նուբարաշեն» քրեակատարողական հիմնարկի կալանավոր Հովհաննես Հովհաննիսյանը 8 օր հացադուլում գտնվելուց հետո այսօր առավոտյան դիմում է ներկայացրել ՔԿՀ վարչակազմին հացադուլը դադարեցնելու մասին:
    16:03 18/06/2013

Ամենաընթերցվածը