Մայիսի 31-ին, ժամը 15.02-ին «1-03» ծառայությունից տեղեկություն է ստացվել, որ Երևանի Վազգեն Սարգսյան 5 շենքի մոտակայքում` նախկին կաթսայատանը, տեղի է ունեցել փլուզում և պանելի տակ մարդ է մնացել. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, հատուկ փրկարարական ջոկատի հերթապահ և ՃԿԿ օպերատիվ խմբերը` պարամեդիկներով:
Դեռևս չպարզված հանգամանքներում, կաթսայատան ապամոնտաժման աշխատանքներն իրականացնելիս, պանելն ընկել է «Սպիտակ տնակ» ՍՊԸ շինարարական կազմակերպության զոդող-բանվոր` 1953 թ. ծնված Միշա Խաչատրյանի վրա, որը ստացած վնասվածքներից տեղում մահացել է:
Ժամը 15.55-ին փրկարարները պանելի տակից դուրս են բերել Մ. Խաչատրյանի դին:
