Քաղաքաշինության նախարարի պաշտոնակատար ԲՀԿ-ական Վարդան Վարդանյանն այսօր կառավարությունում լրագրողների հերցին ի պատասխան ասաց, որ դեռ որոշված չէ, թե ինչ գործունեություն է ծավալելու հետագայում:
«Կհանգստանանք, հետո կորոշենք ինչ ենք անելու»,- ասաց նա` կառավարության նախորդ տարիների աշխատանքը գնահատելով դրական:
Հարցին, թե չի՞ ափսոսում, որ հրաժեշտ է տալու նախարարի պաշտոնին, Վարդան Վարդանյանը պատասխանեց. «Դե քաղաքական որոշում ա կայացված, հիմա արդեն դրանք մեկնաբանելը, ես կարծում եմ, իմաստ չկա: ԲՀԿ-ն իրա հայտարարույթունը տվել ա, և մեկնաբանելու խնդիր ես չեմ տեսնում»:
Աշխատանքի և սոցիալական հարցերի նախարարի պաշտոնակատար ԲՀԿ-ական Արթուր Գրիգորյանը նույնպես չգիտի իր անելիքը: «Առաջիկա երեք ամիսները հանգստանալով կանցկացնեմ, որից հետո կորոշվի: Համենայնդեպս գործազուրկ չեմ լինի»,- ասաց նա` ԲՀԿ գործիչների նախորդ տարիներ աշխատանքին «գերազանց» հնահատական տալով: Հարցին, թե պատկերացնո՞ւմ էր, որ ԲՀԿ-ն ընդդիմադիր կդառնա, Արթուր Գրիգորյանը պատասխանեց. «Ընթացքը ցույց կտա, թե ինչպիսի կուրս կընտրի Բարգավաճ Հայաստան կուսակցությունը, և մենք կխոսեքն այդ ժամանակ»:
Կառավարության այսօրվա նիստի վերջում Վարդան Վարդանյանը ԲՀԿ-ական նախարարների անունից շնորհակալություն հայտնեց վարչապետ Տիգրան Սարգսյանին և մյուս նախարարներին` նախորդ հինգ տարիների համատեղ գործունեության համար: Վարչապետն էլ նկատեց, որ ԲՀԿ-ական գործընկերներն իրենց հետ միասին կառավարության ծանր լուծը տարել են իրեցն ուսերին:
Հիշեցնենք, որ ԲՀԿ-ն հրաժարվել է նախարարների մանդատներից: Կուսակցության մանդատով նախարարների թիվը 4-ն էր` աշխատանքի և սոցիալական հարցերի, քաղաքաշինության, առողջապահության, սպորտի և երիտասարդության հարցերի նախարարները:
Պաշտոնյաները կաջակցեն արմավիրցիներին անձնական միջոցներից
Բացվեցին Կարմիր Շուկա գյուղի խմելու ջրի համակարգը եւ Մարտունու հիվանդանոցը
«Գալուստ Սահակյանը գցեց նախագահի դերն ու նշանակությունը»
«Այս համակարգի կարևորագույն լծակներն են կոռուպցիան, ստվերն ու մենաշնորհները»
