ՀՀ վարչապետ Տիգրան Սարգսյանը, որն այցելել է Երեւանի այրվածքաբանության կենտրոն, ուր տեղափոխվել են այսօր Հանրապետության հրապարակում այրվածքներ ստացած երեխաները, լրագրողներին ասել է, որ տուժածների մի մասին ցուցաբերվել է առաջին օգնություն, որից հետո նրանք տուն են գնացել, մի մասն էլ դուրս կգրվի, երբ ցավազրկողները կազդեն, եւ շոկը կանցնի:
Հարցին, արդյոք կան խոր այրվածքով տուժածներ, նա ասել է, որ կան եւ գտնվում են այրվածքաբանության կենտրոնում:
Այրվածքները հիմնականում տուժածների ձեռքերին են եւ դեմքերին:
Տիգրան Սարգսյանն ասել է նաեւ, որ պատճառները պարզելու համար ոստիկանապետի մոտ խորհրդակցություն է ընթանում, եւ կտրամադրվի լրացուցիչ տեղեկատվություն:
Տուժածները հիմնականում ուսանողներ են:
