Կոմկուսի անդամը ԲՀԿ-ին եւ ՕԵԿ-ին կոչ արեց դուրս գալ կոալիցիայից

    • Ներքին կյանք - Չորեքշաբթի, 02 Մայիսի 2012, 16:31

Հայաստանի կոմունիստական կուսակցության անդամ Անդրանիկ Ղուկասյանն այսօր Սիվիլիթաս հիմնադրամի կազմակերպած բանավեճի ժամանակ Օրինաց երկիր և Բարգավաճ Հայաստան կուսակցություններին առաջարկեց դուրս գալ կոալիցիայից: «Այ, բոլորն ասում են` ընտրությունները կեղծելու են, կեղծելու են, ո՞վ ա կեղծելու: Ես առաջարկություն ունեմ, եթե Օրինաց երկիր և Բարգավաճ Հայաստան կուսակցությունները գտնում են, որ այդ ընտրությունները կեղծում ա Հանրապետականը, ես հենց հիմիվանից առաջարկում եմ և Բարգավաճ Հայաստան կուսակցությանը, և Օրինաց երկիրը կուսակցությանը` դուրս եկեք այդ կոալիցիայից, թող մնա մենակ, տեսնենք, ո՞նց ա կեղծելու: Թե չէ ինչ ա ստացվում, կոալիցիան կա, բայց ասում են` կեղծելու են: Ո՞վ ա կեղծելու»,- ընդգծեց նա: ՀԿԿ անդամը նշեց, որ եթե այս ընտրություններն էլ կեղծվեն, ապա երկրի վիճակն էլ ավելի է վատանալու: Ըստ նրա` ժողովրդի մեջ այսօր հավատ չի մնացել:

ԲՀԿ անդամ Էլինար Վարդանյանն էլ նշեց, որ ԲՀԿ-ն արդեն մեկ քայլ արել է. «ՀԱԿ-ի և ՀՅԴ-ի հետ միացել ենք ընտրությունների գործընթացի արդար վերահսկողության նախաձեռնությանը»: ԲՀԿ անդամի խոսքով` եթե այս ընտրությունները կեղծվեն, ապա երկրի սոցիալ-տնտեսական վիճակն էլ ավելի կվատանա, արտագաղթի ցուցանիշը կաճի:

«Նախորդ 5 տարիներին յուրաքանչյուր տարի Հայաստանն ավելի մեծ անկում է ունեցել սոցիալ-տնտեսական և մյուս ոլորտներում, կոռուպցիայի չափերը մեծանում են, վարչական վերահսկելությունը պակասում է, անպատժելիությունը մեծանում է, տնտեսության մեջ խորանում են մենաշնորհները, արտագաղթի տեմպերը մեծացել են: Ոչ մի նախադրյալ չկա, որ գալիք տարիներին մեզ սպասվում է շրջադարձ, և երկիրը կսկսի զարգանալ»,- նման դիտարկում արեց ՀՅԴ անդամ Արտյուշա Շահբազյանը: Նա նշեց, որ նախորդ տարի 120 հազար մարդ է լքել երկիրը: «Երբ ՀՀԿ-ի ցուցակը հրապարկվեց, մենք անմիջապես հասկացանք, որ չկա երկրում փոփոխություններ կատարելու մտադրություն»,- ընդգծեց Շահբազյանը:

Բանավեճին թեև հրավիրված էր, սակայն չէր մասնակցում ՀՀԿ-ն, հետևաբար հնչեցված մեղադրանքները մնացին անպատասխան:

Ներքին կյանք

  1. Տրանսպորտի և կապի նախարարությունը ուղեվարձի բարձրացման վերաբերյալ դիմում չի ստացել
    ՀՀ տրանսպորտի և կապի նախարարությունը տեղեկացնում է, որ ուղեվարձի բարձրացման վերաբերյալ դիմում չի ստացել:
    19:02 21/05/2013
  2. Կաբալյեն ելույթ կունենա Ստեփանակերտում
    Հանրահայտ օպերային երգչուհի Մոնսերատ Կաբալյեն Հայաստանի երիտասարդական նվագախմբի հետ համատեղ ելույթ կունենա Ստեփանակերտում
    18:09 21/05/2013
  3. Հովիկ Աբրահամյանը իր մեկ ամսվա աշխատավարձը կփոխանցի Արմավիրի գյուղացիներին
    Ալեքսան Պետրոսյանը հայտարարեց, որ Արմավիրի մարզը մայիսի 12-ին տեղացած ուժեղ կարկուտից հետո կարելի է անվանել աղետի գոտի:
    18:03 21/05/2013
  4. Գյուղնախարարը կորցրել է չափի եւ իրականության զգացումը
    Սերգո Կարապետյանը մի փոքր բացեց փակագծերը՝ նշելով, որ շատ մեծ աջակցություն է լինելու:
    17:24 21/05/2013
  5. ՀՅԴ պատգամավորը կառավարությանն առաջարկեց հրաժարական տալ
    ԱԺ ՀՅԴ խմբակցության անդամ Արծվիկ Մինասյանն իր ելույթում ընդգծեց, որ կառավարության ծրագիրը հիշեցնում է Րաֆֆու Խաչագողի հիշատակարանի Քավոր Պետրոսի ծրագրերը:
    17:20 21/05/2013
  6. Նախախորհրդարանի հայտարարությունը
    Նախախորհրդարանը ողջունում է Արմավիրի մարզի 10 գյուղերի ընբոստ բնակիչների քաղաքացիական անհնազանդության դրսևորումները
    16:50 21/05/2013
  7. ԲՀԿ-ն կողմ է քվեարկելու Ժառանգության առաջարկին
    Նաիրա Զոհրաբյանը հայտարարեց, որ ԲՀԿ պատգամավորները կողմ են քվեարկելու Ժառանգության պատգամավորների հեղինակած Ընտրական օրենսգրքում փոփոխություններ և լրացումներ կատարելու մասին օրինագծին:
    15:53 21/05/2013
  8. Քաղաքական ուժերն ամենայն լրջությամբ քննարկում են ընտրական օրենսգիրքը
    Արամ Մանուկյանը հայտարարեց, որ Հայաստանի Սահմանադրությամբ ամրագրված է, որ ընտրությունների քվեարկությունն է գաղտնի, ոչ թե մասնակցությունը:
    15:51 21/05/2013
  9. Մեր հանգուցյալները ոչ միայն մեր հուշերից, այլեւ ընտրացուցակից դուրս չեն գալիս
    Հրայր Թովմասյանը նշեց, որ զարգացած երկրներում երբ մահ է գրանցվում, անձը ավտոմատ կերպով ընտրացուցակներից դուրս է գալիս:
    15:18 21/05/2013
  10. Ամենաշատը արտագաղթել են Գեղարքունիքից, բայց ամենաշատն են մասնակցում ընտրություններին
    Ազգային ժողովը սկսեց քննարկել Ժառանգություն խմբակցության պատգամավորների հեղինակած Ընտրական օրենսգրքում փոփոխություններ և լրացումներ կատարելու մասին օրինագիծը:
    15:06 21/05/2013

Ամենաընթերցվածը