Չնայած վաղ առավոտից տեղացող անձրեւին, Ծիծեռնակաբերդի Եղեռնի զոհերի հուշահամալիր տանող ճանապարհը ապրիլի 24-ի առավոտից մարդաշատ էր: Հարյուր հարազավոր հայաստանցիներ այցելում են Ծիծեռնակաբերդ, հարգանքի տուրք մատուցելու 1915 թվականի ցեղասպանության զոհերի հիշատակին:
Տես ֆոտոռեպորտաժը
Առավոտյան ժամը 11-ին հուշահամալիր այցելեց նաեւ Հայաստանի իշխանական վերնախավը, Սերժ Սարգսյանի գլխավորությամբ: Պատվիրակության կազմում էին վարչապետ Տիգրան Սարգսյանը, ԱԺ նախագահ Հովիկ Աբրահամյանը, ԱԽ քարտուղար Արթուր Բաղդասարյանը, ՍԴ նախագահ Գագիկ Հարությունյանը, գլխավոր դատախազ Աղվան Հովսեփյանը, կառավարության անդամներ, գերատեսչությունների ղեկավարները, պատգամավորներ:
Սերժ Սարգսյանը ծաղկեպասակ է դրել եղեռնի զոհերի հուշահամլիրին, այնուհետեւ անմար կրակի մոտ մասնակցել Ամենայն Հայոց Կաթողիկոսի գլխավորությամբ մատուցված հոգեհանգստյան կարգին: Հետո Սերժ Սարգսյանըեղել է նաեւ Ցեղասպանության թանգարան-ինստիտուտում, որտեղ ծանոթացել է արտասահմանյան մամուլի էջերում Հայոց ցեղասպանության թեմայով հրապարակումների եւ փաստագրակական լուսանկարների նոր կազմակերպված ցուցադրությանը: Այդ հրապարակումների համար աղբյուր են հանդիսացել ոչ միայն Եղեռնը վերապրած հայերի վկայությունները, այլեւ այդ ոճրագործության ականատեսը եղած օտարերկրյա դիվանագետների, միսիոներների, լրագրողների, ճանապարհորդների եւ այլ անձանց հաղորդած տեղեկությունները:
Հայաստանի քաղաքացիներից, Հայաստանի պաշտոնյաներից, սփյուռքահայերից բացի Եղեռնի զոհերի հուշահամալիր են այցելել նաեւ բազմաթիվ արտասահմանցիներ, Հայաստանում հավատարմագրված դիվանագետներ` ԱՄՆ, Ֆրանսիայի, Ռուսաստանի, Ուկրաինայի, Հնդկաստանի եւ այլ պետությունների դեսպաններ, արտասահմանյան երկրներից Հայաստան ժամանած պատգամավորներ:
«Թող տեղերով փոխվեն՝ ժողովուրդը ղեկավարի, իրենք վայելեն»
Գազի գինը հնարավոր է իջեցնել
Ատոմակայանում կադրերի հոսունություն է նկատվում
Վարչապետը խոսել է իր քաղած դասերի մասին
