Հովիկ Աբրահամյանը ցավակցել է «Հաց բերողի» հարազատներին

  • Ներքին կյանք - 17 Մարտի 2017, 08:35
«Հաց բերող» անվանումը ստացած Արթուր Սարգսյանի մահվան կապակցությամբ ՀՀ նախկին վարչապետ Հովիկ Աբրահամյանն ու նրա որդին՝ Արգամ Աբրահամյանը Facebook-ի իրենց էջերում գրառում են կատարել: «Ցավով տեղեկացա Արթուր Սարգսյանի մահվան մասին, որին մեր ժողովուրդը կնքել էր Հաց բերող անունով: Սարգսյանին` հասարակության կողմից տրված Հաց բերող անունը շատ բաների մասին է խոսում:

Արթուրը հասցրեց յուրօրինակ խորհրդանիշ դառնալ` բարության ու մարդասիրության: Ցավակցում եմ Արթուր Սարգսյանի ընտանիքի անդամներին, հարազատներին ու ընկերներին: Աստված հոգին լուսավորի»,- գրել է Հովիկ Աբրահամյանը:

Արգամ Աբրահամյանն էլ գրել է. ««Հաց բերող»-ի մահը խորը ցավ պատճառեց ինձ. Աստված հոգիդ լուսավորի բարի մարդ»:

Ամենաընթերցվածը