Հայաստանում խնդրահարույց ՀԷԿ-երը պետք է փակվեն. Հայկ Հարությունյան

  • Ներքին կյանք - 23 Նոյեմբերի 2016, 17:14

Հայաստանում խնդրահարույց ՀԷԿ-երը պետք է փակվեն: Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ էներգետիայի և բնական պաշարների նախարարի տեղակալ Հայկ Հարությունյանը:

«Եթե որոշ չափոփորշիչների բացակայության արդյունքում տրվել է ջրօգտագործման թույլտվություն, լիցենզիա, կառուցվել է ՀԷԿ, և այսօր մենք տեսնում ենք, որ դրա կառուցման հետևանքը բնապահպանական տեսանկյունից աղետալի է, ուրեմն մենք պետք է հստակ քայլեր ձեռնարկենք, որ տվյալ ՀԷԿ-ն ապամոնտաժվի: Ապամոնտաժման համար պետք են գումարներ, ժամանակ, հիմքեր»,-ասաց նախարարի տեղակալը: 

Նախարարությունը հորդորում է տեսչական կառույցներին ՀԷԿ-երի նկատմամբ հսկողությունը խստացնել, հետևել, որ շահագործման բոլոր պայմանները պահպանվեն:

Հայկ Հարությունյանը նշեց, որ նախարարությունն առաջարկել է հատուկ հիմնադրամի ստեղծում, որի նպատակը կլինի խնդրահարույց ՀԷԿ-երի փակման հարցով զբաղվելը:

Ամենաընթերցվածը